სონა

სონა
დახასიათება
სიგრძე	473 კმ
აუზის ფართობი	29,950 კმ²
წყლის ნაკადი
სათავე	ლოთარინგიის პლატო
კოორდინატები	48.092222,6.17972248°05′32″ ჩ. გ. 6°10′47″ ა. გ.
ჩაედინება	რონა
ქვეყნები	საფრანგეთი
ქალაქები	ლიონი

სონა (ფრანგ. Saône) — მდინარე აღმოსავლეთ საფრანგეთში. სიგრძე 473 კმ, აუზის ფართობი 29,950 კმ². მდინარე რონის მარჯვენა შენაკადი. სათავე აქვს ლოთარინგიის პლატოს სამხრეთ ნაწილში. მიედინება სონა-რონის მთათაშორის ქვაბულში. უმეტესად საზრდოობას წვიმის წყლით. წყალუხვია ნოემბრიდან აპრილის ჩათვლით. სანაოსნოა თითქმის მთელ სიგრძეზე. ძირითადად სამხრეთისაკენ მიედინება. შესართავი მდებარეობს 158 მ სიმაღლეზე. ყველაზე დიდი შენაკადია მდინარე დუ (სიგრძე 453 კმ). ზემო დინებაში ეწოდება „მცირე სონა“.

სონა არხებით უკავშირდება მდინარეებს მოზელს, ლუარას, მარნას, სენას, რაინს. შესართავთან მდებარეობს ქალაქი ლიონი. წყლის საშუალო ხარჯი უდრის 410 მ³/წმ-ს.

რესურსები ინტერნეტში

• სონა – ენციკლოპედია ბრიტანიკა (ინგლისური)
• სონა – გეოგრაფიული ენციკლოპედია (რუსული)