მოზელი (მდინარე)

მოზელი
დახასიათება
სიგრძე	545 კმ
აუზის ფართობი	28,286 კმ²
წყლის ნაკადი
სათავე	ვოგეზები
კოორდინატები	47.883889,6.89277847°53′02″ ჩ. გ. 6°53′34″ ა. გ.
ჩაედინება	რაინი
ქვეყნები	საფრანგეთი  ლუქსემბურგი  გერმანია
ქალაქები	ნანსი მეცი

მოზელი (გერმ. Mosel, ფრანგ. Moselle, ლუქს. Musel) — მდინარე საფრანგეთში, ლუქსემბურგსა და გერმანიაში. სიგრძე 545 კმ, აუზის ფართობი 28,286 კმ². მდინარე რაინის მარცხენა შენაკადი. სათავე აქვს ვოგეზებში, ზღვის დონიდან 715 მ სიმაღლეზე. უმთავრესად მიედინება ღრმა და ვიწრო ხეობაში. ქმნის ამავე სახელწოდების ხეობას. მთავარი შენაკადებია: საარი, რუვერი, ავიერა. წყალმოვარდნები იცის ნოემბრიდან აპრილამდე. სანაოსნოა ზემო დინებამდე. მოზელს კვეთს მარნა-რაინის არხი, აღმოსავლეთის არხით შეერთებულია მდინარე სონასთან.

აგებულია ჰიდროელექტროსადგური. ნაპირებზე მდებარეობს ქალაქები: ნანსი, მეცი, კობლენცი. მოზელის ხეობა მევენახეობისა და მეღვინეობის რაიონია. წყლის საშუალო ხარჯი 290 მ³/წმ.

რესურსები ინტერნეტში

• მოზელი – ენციკლოპედია ბრიტანიკა (ინგლისური)
• მოზელი – დიდი საბჭოთა ენციკლოპედია (რუსული)