ობერალეჩის მყინვარი
| გერმ. Oberaletschgletscher | |
 ობერალეჩი და ნესტორნის მთა | |
| კოორდინატები: 46°25′08″ ჩ. გ. 7°57′27″ ა. გ. / 46.41889° ჩ. გ. 7.95750° ა. გ. | |
| ქვეყანა |  შვეიცარია
|
| ქედი | ბერნის ალპები |
| ფართობი | 22 კმ² |
| სიგრძე | 9 კმ |
| ტიპი | ხეობური |
  | |
ობერალეჩის მყინვარი (გერმ. Oberaletschgletscher ზემო ალეჩის მყინვარი) — ხეობის ტიპის მყინვარი ბერნის ალპების სამხრეთ კალთებზე, შვეიცარიის ვალეს კანტონის ტერიტორიაზე. მისი სიგრძე 9 კილომეტრია, სიგანე 1 კმ, ხოლო ფართობი 22 კმ².
ობერალეჩის მყინვარის სისტემა შედგება ორი დაახლოებით თანაბარი მკლავისგან. მათგან აღმოსავლეთით მდებარის საწყისი წერტილი მდებარეობს ალეჩჰორნის მთის დასავლეთ კალთაზე, ზღვის დონიდან 3 700 მ სიმაღლეზე და დასავლეთის მკლავს უერთდება ნესტორნის მთისწინეთის ხეობაში. შემდეგ მყინვარი მიემართება სამხრეთ-აღმოსავლეთით, ალეჩის მყინვარის მიმართულებით, თუმცა მას ვერ აღწევს. მყინვარის ენა ზღვის დონიდან დაახლოებით 2 150 მეტრ სიმაღლეზე მთავრდება. XIX საუკუნის შუა წლებში, პატარა გამყინვარების პერიოდში, ობერალეჩი ალეჩის მყინვარის შემადგენელი ნაწილი იყო.
2001 წელს, ალეჩის მყინვართან ერთად, ობერალეჩი იუნესკოს მსოფლიო მემკვიდრეობის ძეგლად გამოცხადდა.