ნემეის ლომი

ჰერაკლე გუდავს ნემეის ლომს

ნემეის ლომი — ჰერაკლეს ციკლის თქმულებიდან ცნობილი მხეცი, ტიფონისა და ექიდნის ან ექიდნისა და გერიონის ძაღლის ორთროსის საზარელი ნაშიერი, რომელმაც მთელი არგოლიდა რამის უდაბნოდ აქცია. ყველგან საქონლისა და ადამიანთა გვამები და ძვლები ეყარა. სოფოკლემ ნადირს უწოდა „მწყემსთა რისხვა“ („ბუკოლინ ალასტორ ლეონ“). ვერც ერთმა გმირმა ვერ შესძლო მისი მოკვლა, მხოლოდ ჰერაკლემ ევრისთევსის პირველი დავალებით ნახა, დაჭრა, შეიპყრო და გაგუდა. სწორედ ეს სცენაა ასახული ანტიკური ხელოვნების უამრავ ნიმუშში.

ლიტერატურა

• აკაკი გელოვანი, მითოლოგიური ლექსიკონი, გვ. 266, „საბჭოთა საქართველო“, თბ., 1983

ვიკისაწყობში^? არის გვერდი თემაზე:

ნემეის ლომი