ჰესპერიდები

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჰესპერიდების ბაღი

ჰესპერიდები — უკიდურეს დასავლეთში მცხოვრები მშვენიერი ქალიშვილები, რომელნიც ჰესპერიდების ბაღში ოქროს ვაშლებს დარაჯობენ. ეს ოქროს ვაშლები ოდესღაც ქორწილში გეამ აჩუქა ჰერას, იმან კიდევ ხსენებულ ბაღში გაგზავნა და მცველად მიუჩინა დაუძინებელი ურჩხული ლადონა. იქვე არიან ხმატკბილი ნიმფები - ჰესპერიდები - ერებოსის (წყვდიადის), ნიქსის ანუ ღამის, ფორკოსის და კეტოს, ატლანტისა და ჰესპერიას (ჰესპერიდის), მწუხრის ვარსკვლავ ჰესპეროსის თუ ზევსის და ჰერას ასულები. ამ ნიმფების რიცხვი სამიდან შვიდამდე მერყეობს. მათი სახელებია ჰესტია, ეგალა (აიგლა), არეთუსა, ერითეა, ჰესპერია… ძველი ავტორები მათ დედამიწის უკიდურეს დასავლეთ კიდეში ასახლებენ, მერე ასახელებენ ლიბიას, მავრიტანიას, ატლანტის ოკეანის კუნძულტა ჯგუფს. ჰესიოდეს ცნობით მათი მშვენიერი ბაღი ოკეანის მიღმაა. ვაშლებს იცავდნენ ატლანტის და მის ძმისწულ ჰესპერისის ასულნი და დრაკონი.

ლიტერატურა[რედაქტირება]

  • აკაკი გელოვანი, მითოლოგიური ლექსიკონი, გვ. 606, „საბჭოთა საქართველო“, თბ., 1983
Commons-logo.svg
ვიკისაწყობში? არის გვერდი თემაზე: