მანუჩარ მამეიშვილი

მანუჩარ მამეიშვილი
დაბადების თარიღი	15 აგვისტო, 1929 ბახვი, მახარაძის რაიონი, საქართველოს სსრ, სსრკ
ეროვნება	ქართველი
მოქალაქეობა	სსრკ  საქართველო
ალმა-მატერი	მოსკოვის საკავშირო დაუსწრებელი საინჟინრო-სამშენებლო ინსტიტუტი
საქმიანობა	ინჟინერი

მანუჩარ მამეიშვილი (15 აგვისტო, 1929, ბახვი, ახლანდ. ოზურგეთის მუნიციპალიტეტი) — ქართველი ინჟინერი. ტექნიკურ მეცნიერებათა კანდიდატი (1970). სკკპ წევრი 1962 წლიდან.

დაამთავრა მოსკოვის საკავშირო დაუსწრებელი საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი. 1980 წლიდან იყო მახარაძის (ახლანდ. ოზურგეთის) ნატურალური ჩაის კონცენტრატების კომბინატის დირექტორი. 1982 წელს სპეციალისტების ჯგუფთან ერთად მიენიჭა საქართველოს სსრ-ის სახელმწიფო პრემია „დაბალხარისხოვანი ნედლეულისაგან ჩაის თხევადი კონცენტრატებისა და გამამხნევებელი სასმელების წარმოების ტექნოლოგიის კვლევისათვის, შემუშავებისა და სამრეწველო ათვისებისათვის“.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 396.

რესურსები ინტერნეტში

• მანუჩარ მამეიშვილი — საქართველოს ბიოგრაფიული ლექსიკონი