ლევან თორთლაძე

ლევან თორთლაძე - 2017

ბიოგრაფია

ლევან თორთლაძე (დ. 25 ოქტომბერი, 1948 , ქუთაისი - გ. 24 ნოემბერი ,2020,თბილისი) დაამთავრა ქ. იჟევსკის (რუსეთი) სასოფლო-სამეურნეო ინსტიტუტი 1971 წელს.1976–1978 წლებში მოღვაწეობდა მოსკოვში საკავშირო მეცხოველეობის სამეცნიერო-კვლევით ინსტიტუტში. 1974–1989 წლებში იკავებდა სხვადასხვა თანამდებობას უდმურტეთის რესპუბლიკაში. 1989 წლიდან მუშაობდა საქართველოს ზოოტექნიკურ-სავეტერინარო უნივერსიტეტში რძისა და ძროხის ხორცის წარმოების ტექნოლოგიის კათედრაზე, 2002 წლიდან იყო ამავე კათედრის გამგე. 2006 წლიდან იყო საქართველოს აგრარული უნივერსიტეტის კერძო ზოოტექნიკის დეპარტამენტის უფროსი. მან შეისწავლა საქართველოში შემოყვანილი მსოფლიოში განთქმული ძროხის მაღალ პროდუქტიული ჯიშების აკლიმატიზაციის საკითხები, ძროხის რძისა და ხორცის წარმოების ტექნოლოგია და სხვ. 2006 წლიდან ლევან თორთლაძე იყო სომხეთის სახელმწიფო აგრარული უნივერსიტეტის საპატიო დოქტორი. არის მრავალი სამეცნიერო ნაშრომის და 3 სახელმძღვანელოს ავტორი. აქვს 2 პატენტი გამოგონებაზე. მიღებული აქვს სახელმწიფო ჯილდოები. სოფლის მეურნეობის მეცნიერებათა დოქტორი (1998), პროფესორი (2004), ზოოტექნიკოსი დაარქივებული 2023-11-14 საიტზე Wayback Machine. .

ორგანიზაციის, ასოციაციის ან ჯგუფის წევრი

• საქართველოს მეცხოველეთა კავშირი, ვიცე–პრეზიდენტი
• საქართველოს ხორცისა და თევზის მეწარმეთა კავშირი , ვიცე-პრეზიდენტი (2011-2020)

ჯილდოები, პრემიები და პრიზები

• 2002 - ღირსების ორდენი
• შვედეთის სამეფო ოჯახის მედალი

ბიბლიოგრაფია

• რძისა და ხორცის წარმოების სახელმძღვანელო (კატალოგი) : ფერმერთათვის და მეცხოველე სპეციალისტებისათვის (ავტორი). - თბილისი, უნივერსალი, 2013. - 78გვ.
• მეძროხეობა : სარძეო ძროხის მომშენებელი ფერმერებისათვის (შემდგენელი). - თბილისი, 2010. - 36გვ.
• მეღორეობა (შემდგენელი). - თბილისი, 2010. - 40გვ.
• ტბორში თევზის გამოზრდის ტექნოლოგია კვების საფუძვლებით : სახელმძღვ. აგრ. უნ-ტის სტუდ. (რედაქტორი). - თბილისი, გლობალ პრინტი+, 2010. - 189გვ.
• ხორცის მორფოლოგია და ქიმია : [სახელმძღვ. სტუდ.] / გიული გოგოლი, ციცინო ხოშტარია ; [რედ. ლევან თორთლაძე] ; საქ. სახელმწ. აგრარ. უნ-ტი. - თბ. : უნივერსალი, 2011. - 147გვ