ისმეთ ინენიუ

ისმეთ ინონიუ
თურქეთის მე–2 პრეზიდენტი
თანამდებობაზე ყოფნის დრო
11 ნოემბერი 1938 – 22 მაისი 1950
წინამორბედი	ქემალ ათათურქი
მემკვიდრე	ჯელალ ბაიარი
დაბადებული	24 სექტემბერი 1884 იზმირი თურქეთი
გარდაცვლილი	25 დეკემბერი 1975 ანკარა თურქეთი
ეროვნება	თურქი
პოლიტიკური პარტია	სახალხო რესპუბლიკური პარტია
მეუღლე	მევხაბე ინონიუ
რელიგია	მუსულმანი
ხელმოწერა

ისმეთ ინონიუ (თურქ. Mustafa İsmet İnönü, დ. 24 სექტემბერი, 1884, იზმირი, თურქეთი— გ. 25 დეკემბერი, 1973, ანკარა, თურქეთი) – თურქეთის სამხედრო და პოლიტიკური მოღვაწე, თურქეთის მე–2 პრეზიდენტი. ქემალ ათათურქის შემცვლელი.

ბიოგრაფია

ისმეთ ინონიუ დაიბადა 1884 წლის 24 სექტემბერს ქალაქ იზმირში, ოსმალეთის იმპერიის ჩინოვნიკის ოჯახში. ახალგაზრდა თურქების რევოლუციის დროს იყო ათათურქის ახლო თანამებრძოლი. პირველი მსოფლიო ომის დროს იყო პოლკოვნიკი მესოპოტამიის ფრონტზე.

კარიერა

თურქეთში რესპუბლიკური მმართველობის დამყარების შემდეგ გახდა ქვეყნის პირველი პრემიერ-მინისტრი და ეს თანამდებობა ეკავა 1937 წლამდე, ხოლო ათათურქის გარდაცვალების შემდეგ 1938 წლის 11 ნოემბერს აირჩიეს თურქეთის პრეზიდენტად და ამ თანამდებობაზე დარჩა 1950 წლამდე. პოლიტიკაში დაბრუნდა 1960 წლის სამხედრო გადატრიალების შემდეგ და ეკავა პრემიერ–მინისტრის პოსტი 1961–1965 წლებში. პოლიტიკიდან წავიდა 1972 წელს.

გარდაიცვალა 1973 წლის 25 დეკემბერს, ანკარაში.

რესურსები ინტერნეტში

• მცირე ბიოგრაფიული მონაცემები

წინამორბედი: ქემალ ათათურქი

თურქეთის პრეზიდენტი 1938 – 1950

შემდეგი: ჯელალ ბაიარი