იოსებ დავითაშვილი

იოსებ დავითაშვილი
დაბადების თარიღი	1 ივლისი, 1850
დაბადების ადგილი	სოფ. გარდატენი, რუსეთის იმპერია
გარდაცვალების თარიღი	13 მარტი, 1887
გარდაცვალების ადგილი	თელავი
საქმიანობა	პოეტი

იოსებ სიმონის ძე დავითაშვილი (დ. 1 ივლისი, 1850, სოფ. გარდატენი – გ. 13 მარტი, 1887, თელავი) — ქართველი პოეტი. დაიბადა ყმა გლეხის ოჯახში. მან ხანმოკლე შემოქმედებითი მოღვაწეობის განმავლობაში (1872-1887 წწ.) რამდენიმე ათეული ლექსი დაწერა. მისი მოქალაქეობრივ-პატრიოტული ლირიკა „თერგდალეულთა“ ზეგავლენას განიცდის („წუთისოფელში ცხოვრება“, „ახალ მოლექსეს“ და სხვ.). პოეტის ზოგიერთი ლექსი სიმღერად იქცა („სამშობლო“; „მუშის სიმღერა“; „ბედის წყარო“ და სხვ.). ჩაგრულთა ხსნის ერთადერთ პირობად პოეტს ცოდნის შეძენა მიაჩნდა. ცოცხალი სასაუბრო მეტყველება, გულწრფელობა და უშუალობა იოსებ დავითაშვილის ლექსებს ხალხურ პოეზიასთან აკავშირებს.

რესურსები ინტერნეტში

• შეგიძლიათ იხილოთ მედიაფაილები თემაზე „იოსებ დავითაშვილი“ ვიკისაწყობში.