გორის მუნიციპალიტეტი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
გორის მუნიციპალიტეტი
SK-Gori-ka.svg

გორის მუნიციპალიტეტი  დროშა გორის მუნიციპალიტეტი გერბი

ადმინისტრაციული ცენტრი

გორი

რეგიონი

შიდა ქართლის მხარე

გამგებელი

დავით ონიაშვილი     

დეპუტატი პარლამენტში

მალხაზ ვახტანგაშვილი     

სიმჭიდროვე

44,24 კაცი/კმ²

ფართობი

2310,35 კმ²

მოსახლეობის რაოდენობა

~ 102 220 კაცი (2014 წელი)

ეროვნება

ქართველები 93.2%
ოსები 4.9%
სომხები 0.8%
აზერბაიჯანელები 0.6%
რუსები 0.4%[1]

გორის მუნიციპალიტეტი საქართველოს რუკაზე.

გორის მუნიციპალიტეტი – ადმინისტრაციულ-ტერიტორიული ერთეული შიდა ქართლის მხარეში.

ისტორია[რედაქტირება]

რაიონის ტერიტორია 1917 წლამდე ტფილისის გუბერნიის გორის მაზრაში შედიოდა, 1917–30 წლებში — გორის მაზრაში, 1930 წლიდან ცალკე რაიონია. სამხრეთ ოსეთის ავტონომიური ოლქის გაუქმების შემდეგ გორის რაიონს მიეკუთვნა ყოფილი ცხინვალის რაიონის ტერიტორია. 2014 წელს კი გამოაკლდა ქალაქი გორი.[1]

გეოგრაფია[რედაქტირება]

მდებარეობს შიდა ქართლის ვაკეზე. ტერიტორია — 2310,35 კვ.კმ., მათ შორის სასოფლო-სამეურნეო სავარგულებს უკავია 640 კვ.კმ. რაიონის ტერიტორიაზე მიედინება მდინარეები მტკვარი, ლიახვი, ტანა, თეძამი. ადგილობრივი მნიშვნელობის კურორტებია გორიჯვარი და ბოშური.

მმართველობა[რედაქტირება]

რაიონის წარმომადგენლობითი ორგანოა რაიონის საკრებულო, ხოლო აღმასრულებელი ორგანო — გამგეობა. რაიონის ადგილობრივი თვითმმართველობის ადმინისტრაციული ერთეულებია:

ეკონომიკა[რედაქტირება]

რაიონში რამდენიმე სამრეწველო დაწესებულება ფუნქციონირებდა: ღვინის ქარხანა, ადგილობრივი მრეწველობის კომბინატი, ყველ-კარაქის ქარხანა და სხვა. სოფლის მეურნეობის წამყვანი დარგებია: მეხილეობა, მებოსტნეობა-მებაღჩეობა, მოჰყავთ ასევე მარცვლეული კულტურები და ყურძენი. რაიონის ტერიტორიაზე გადის ამიერკავკასიის რკინიგზის მაგისტრალი,ევროპის ავტომაგისტრალი E60 და სხვა საავტომობილო გზები.

კულტურა[რედაქტირება]

რაიონში 101 სახელმწიფო და 5 არასახელმწიფო ზოგადსაგანმანათლებლო სკოლაა, 4 საშუალო პროფესიული და 3 უმაღლესი სასწავლებელი (ცხინვალის სახელმწიფო უნივერსიტეტი, 85 ბიბლიოთეკა, 5 თეატრი და 6 მუზეუმი.

ღირსშესანიშნაობანი[რედაქტირება]

მუნიციპალიტეტში ისტორიისა და კულტურის მრავალი ძეგლია. განსაკუთრებით აღსანიშნავია ატენის სიონის ტაძარი (მე-7 ს.) და კლდეში ნაკვეთი ნაქალაქარი უფლისციხე.

სქოლიო[რედაქტირება]

  1. ადგილობრივი თვითმმართველობის კოდექსი; მუხლი 151. თვითმმართველი ქალაქები და მუნიციპალიტეტების ადმინისტრაციული ცენტრები