ზანგეზურის ქედი

ზანგეზურის ქედი
ზანგეზურის ქედი
კონტინენტი	ევროპა
ქვეყნები	სომხეთი  აზერბაიჯანი
სიგრძე	130 კმ
მწვერვალი	გაფიჯიღი
სიმაღლე	3904 მ

ზანგეზურის ქედი (აზერ. Zəngəzur dağları; სომხ. Զանգեզուրի լեռնաշղթա) — ქედი ამიერკავკასიის მთიანეთში. გადაჭიმულია მერიდიანულად მდინარეების ტერტერისა და არფის ზემო დინებიდან მდინარე არაქსამდე, დაახლოებით 130 კმ-ზე, სიმაღლე 3904 მ-მდე (მთა გაფიჯიღი). ძირითადად აგებულია გრანიტებითა და გრანოდიორიტებით. დასავლეთი კალთები შემოსილია სტეპისა და ნახევრად უდაბნოს მცენარეულობით; აღმოსავლეთი კალთები — ფართოფოთლოვანი ტყით (მუხა, რცხილა, ნეკერჩხალი) და სუბალპური მდელოებით. არის სპილენძისა და მოლიბდენის საბადოები.

ლიტერატურა

• ქართული საბჭოთა ენციკლოპედია, ტ. 4, გვ. 480, თბ., 1979 წელი.