დანდური

დანდური (Portulaca), ერთწლოვანი მცენარეების გვარი დანდურისებრთა ოჯახისა. აქვს გართხმული ან წამოწეული, ძირიდანვე დატოტვილი ხორცოვანი ღერო და ფორლები, უფრო ხშირად წვრილი კაშკაშა ყვითელი ყვავილები. 100-მდე (სხვა მონაცემებით 200-მდე) სახეობა გავრცელებულია ორივე ნახევარსფეროს ტროპიკებსა და სუბტროპიკებში. გვხვდება ველურად მოზარდი Portulaca oleracea, რომლის კულტურული ფორმების ფოთლებს (ზოგჯერ ყვავილებს) სანელებლად იყენებენ. ფრიად აბეზარი სარეველაა. შეიცავს C ვიტამინს.

საქართველოში თითქმის ყველგან გვხვდება მთის ქვედა სარტყლის დასახლებული ადგილების მახლობლად. მის ნორჩ ღეროსა და ფოთლებს ხმარობენ მხალად და მწნილად. დეკორატიული მცენარედ აშენებენ არგენტინულ და ბრაზილიურ Portulaca grandiflora-ს.

ლიტერატურა

• ქსე, ტ. 3, გვ. 367, თბ., 1978