გაშ-ბარკა

პროვინცია
გაშ-ბარკა ტიგ. ጋሽ-ባርካ
ქვეყანა	ერიტრეა
ადმ. ცენტრი	ბარენტუ
კოორდინატები	15°15′00″ ჩ. გ. 37°30′00″ ა. გ.
ფართობი	33 200 კმ²
მოსახლეობა	708 800 კაცი (2005)
სიმჭიდროვე	21,35 კაცი/კმ²
სასაათო სარტყელი	UTC+3

გაშ-ბარკა, (ტიგ. ጋሽ-ባርካ, ინგლ. Gash-Barka) — ერიტრეის 6 პროვინციიდან ერთ-ერთი. მისი ფართობია — 33 200 კმ². 2005 წლის მონაცემებით მისი მოსახლეობის რაოდენობა შეადგენდა 708 800 ადამიანს. ამ მონაცემების მიხედვით გაშ-ბარკის პროვინცია ერიტრეის მესამედს შეადგენს.

გეოგრაფია

პროვინცია მდებარეობს ქვეყნის სამხრეთ-დასავლეთში და ჩრდილოეთიდან ესაზღვრება ანსების პროვინციას, აღმოსავლეთიდან მაეკელის (ცენტრალური) და დებუბის (სამხრეთი) პროვინციებს; დასავლეთიდან სუდანთან და სამხრეთიდან ეთიოპიასთან.

დასახლებული პუნქტები

გაშ-ბარკის პროვინციის ადმინისტრაციული ცენტრი — ქალაქი ბარენტუ. სხვა ქალაქები: აკორდატი (ყოფილი ადმინისტრაციული ცენტრი), მოლკი, სებდერატი და ტესენეი.

ადმინისტრაციული დაყოფა

პროვინციის შემადგენლობაში შედიან შემდეგი რაიონები:

• ქალაქი აკორდატი
• ქალაქი ბარენტუ
• დგჰე
• ფორტო
• გოგნე
• ჰაიკოტა
• ლოგო-ანსება
• მენსურა
• მოგოლო
• ქალაქი მოლკი
• ომჰაჯერი (Omhajer) (Guluj)
• შამბუკო
• ტესენეი
• ზემო გაში

ეკონომიკა

პროვინციას ეძახიან «მკვებავს», რადგანაც იქ განვითარებულია სოფლის მეურნეობა. 2005 წელს, არსებული მონაცემებით, პროვინციაში ითვლებოდა 3,5 მილიონ სულზე მეტი შინაური ცხოველი და ბევრი აქლემი. პროვინციაში ნაპოვნია მარმარილო და სხვა სასარგებლო წიაღისეული, მათ შორის — ოქრო. აუგაროში შენარჩუნებულია ძველი მაღაროები და იმ დროის მაღაროს მოწყობილობები, როდესაც იტალიელები აქ ოქროს მოპოვებას აწარმოებდნენ.

თითქმის მთელი ადგილობრივი მოსახლეობა ჯანმრთელად და დაუღლელად გამოიყურებიან, რაც საკმაოდ იშვიათი მოვლენაა აფრიკის ამ რაიონში.

მარცვლეული კულტურები და ექსპორტი

• ბანანი
• პომიდორი
• ბამბა
• ხახვი
• ფეტვი
• შირბახტი
• ბულგარული წიწაკა
• ნესვი