აღმოსავლური კაპარჭინა
| აღმოსავლური კაპარჭინა | |||||||||||
|---|---|---|---|---|---|---|---|---|---|---|---|
 აღმოსავლური კაპარჭინა | |||||||||||
| მეცნიერული კლასიფიკაცია | |||||||||||
| |||||||||||
| ლათინური სახელი | |||||||||||
| Abramis brama orientalis | |||||||||||
აღმოსავლური კაპარჭინა (ლათ. Abramis brama orientalis) — თევზი კობრისებრთა ოჯახისა. მისი სხეულის სიგრძე 40 სმ, მასა — 1,2 კგ აღწევს. გავრცელებულია კასპიისა და არალის ზღვების აუზებში. მინგეჩაურის წყალსაცავის შექმნის შემდეგ (1953) აღმოსავლეთ საქართველოს წყალსატევებშიც (მტკვარი, ალაზანი, იორი, ჯანდარის ტბა, თბილისისა და პალდოს წყალსატევები) შემოვიდა. დასავლეთ საქართველოს მტკნარ წყლებში ბინადრობს აღმოსავლური კაპარჭინის მთავარი ფორმა (ლათ. Abramis brama brama). სამეურნეო მნიშვნელობის თევზია. საქართველოში იჭერენ ძირითადად ჯანდარის ტბაში. იყენებენ ნედლს, დამარილებულს, შებოლილსა და დაკონსერვებულს.
ლიტერატურა[რედაქტირება | წყაროს რედაქტირება]
- „ენციკლოპედია საქართველო“, მ. დემეტრაშვილი, გვ. 263-264, თბილისი 1997.