ანა კრილოვა
| ანა კრილოვა | |
|---|---|
 | |
| დაბ. თარიღი | 6 მაისი, 1967 (56 წლის) |
| დაბ. ადგილი | დონეცკი |
| მოქალაქეობა |
 აშშ |
| საქმიანობა | ქიმიკოსი |
| მუშაობის ადგილი | სამხრეთ კალიფორნიის უნივერსიტეტი[1] [2] |
| ალმა-მატერი | იერუსალიმის ებრაული უნივერსიტეტი[1] და მოსკოვის სახელმწიფო უნივერსიტეტი[3] |
| ჯილდოები | აგნეს ფეი მორგანის სამეცნიერო პრემია[4] , ACS Physical Chemistry Division Award in Theoretical Physical Chemistry, WATOC Dirac Medal[5] , ერლ პლაიერის პრემია მოლეკულურ სპექტროსკოპიაში[6] და AAAS-ის წევრი[7] |
| საიტი | dornsife.usc.edu/chemistry/krylov/ |
ანა კრილოვა (ინგლ. Anna I. Krylov ; დ. 6 მაისი, 1967, დონეცკი) — სამხრეთ კალიფორნიის უნივერსიტეტის (USC) ქიმიის პროფესორი, რომელიც მუშაობს თეორიული და გამოთვლითი კვანტური ქიმიის სფეროში. spin-flip მეთოდის გამომგონებელი, Q-Chem, Inc-ის პრეზიდენტი, საერთაშორისო კვანტური მოლეკულური მეცნიერებათა აკადემიის და ევროპის აკადემიის არჩეული წევრი.
Განათლება[რედაქტირება | წყაროს რედაქტირება]
კრილოვა დაიბადა 1967 წლის 6 მაისს დონეცკში , უკრაინის სსრ. 1990 წელს წარჩინებით დაამთავრა მოსკოვის სახელმწიფო უნივერსიტეტი და მიიღო მეცნიერების მაგისტრის ხარისხი ქიმიაში. შემდეგ წარჩინებით დაიცვა საკანდიდატო დისერტაცია იერუსალიმის ებრაულ უნივერსიტეტში პროფესორ რობერტ ბენი გერბერის ხელმძღვანელობით. [8] მისი სადოქტორო კვლევა Fritz Haber Center-ში ფოკუსირებული იყო კლასტერების მოლეკულურ დინამიკაზე და ინერტული აირების მატრიცებზე.
კარიერა[რედაქტირება | წყაროს რედაქტირება]
1996 წელს დოქტორის ხარისხის მიღების შემდეგ, იგი შეუერთდა პროფესორ ხედ-გორდონ მარტინის ჯგუფს კალიფორნიის უნივერსიტეტში, ბერკლიში, როგორც პოსტდოქტორანტი მეცნიერ-თანამშრომელი. იქ ჩაერთო ელექტრონული სტრუქტურის მეთოდების შემუშავებაში. 1998 წელს შევიდა სამხრეთ კალიფორნიის უნივერსიტეტის ქიმიის ფაკულტეტზე.
Კვლევები[რედაქტირება | წყაროს რედაქტირება]
პროფესორი კრილოვა ხელმძღვანელობს iOpenShell-ის ლაბორატორიის [9] კვლევით ჯგუფს, რომელიც დაკავებულია ღია გარსის ნაწილაკების და ელექტრონულად აღგზნებული ნაწილაკების თეორიული მოდელირებით. იგი ავითარებს შავი ყუთის მეთოდებს რთული მრავალკონფიგურაციის ტალღის ფუნქციების აღწერისთვის. მეცნიერმა შეიმუშავა spin -flip მიდგომა. [10] [11] კრილოვამ ასევე წვლილი შეიტანა მოლეკულური ორბიტალების კონცეფციების შემუშავებაში მრავალსხეულიანი ტალღის ფუნქციების თვალსაზრისით და მოლეკულური ორბიტალის თეორიის გაფართოებაში არაწრფივი ოპტიკური თვისებებისა და მეტასტაბილური ელექტრონული მდგომარეობების სფეროში. გარდა ამისა, კრილოვა ავითარებს მრავალი სხეულის თეორიებს მეტასტაბილური ელექტრონული მდგომარეობების (რეზონანსების) და სპექტროსკოპიის მოდელირების ინსტრუმენტების აღსაწერად, არაწრფივი ოპტიკური თვისებების და ფუნდამენტურ დონეებს შორის გადასვლების ჩათვლით. კრილოვა ასევე ცნობილია ეფექტური ალგორითმებისა და პროგრამული უზრუნველყოფის შემუშავებით კვანტური ქიმიის სფეროში. ის არის ღია პროგრამული უზრუნველყოფის ბიბლიოთეკა libtensor-ის ერთ-ერთი შემქმნელი მრავალი სხეულის გამოთვლებისა და ელექტრონული სტრუქტურის Q-Chem პაკეტისთვის.
გამოთვლითი ქიმიის ხელსაწყოების გამოყენებით და მრავალ ექსპერიმენტულ ლაბორატორიასთან თანამშრომლობით, კრილოვა ასევე იკვლევს რადიკალების და ელექტრონულად აღგზნებული სახეობების როლს ისეთ მრავალფეროვან სფეროებში, როგორიცაა წვა, გაზის და კონდენსირებული ფაზის ქიმია, ასტროქიმია, მზის ენერგია, კვანტური ინფორმაციის შენახვა, ბიოგამოსახულება და სინათლის ინდუცირების ბიოლოგიური პროცესები. იგი იყო 270-ზე მეტი პუბლიკაციის თანაავტორი, წაიკითხა დაახლოებით 300 ლექცია მოწვეული ლექტორის რანგში, მათ შორის 2012 წელს — ლოვდინის ლექცია შვედეთის უფსალას უნივერსიტეტში, 2013 კულსონის ლექცია ჯორჯიის უნივერსიტეტში და 2018 წელს — დევისონის ლექცია ჩრდილოეთ ტეხასის უნივერსიტეტში.
სამეცნიერო სწავლება[რედაქტირება | წყაროს რედაქტირება]
კრილოვამ შეიმუშავა სასწავლო მასალები (გამოთვლითი სამუშაოები და სასწავლო საშუალებები [12] [13] ), რომელიც მიზნად ისახავდა ქიმიკოსთა წიგნიერების გაუმჯობესებას კვანტური ქიმიის დარგში. მან ასევე შექმნა ფილმები მეცნიერების პოპულარიზაციისთვის. ორი ფილმს iOpenShell, Shine a Light [14] და Laser-ს [15] 2009 წლის სექტემბრის შემდეგ YouTube- ზე 66 000 -ზე მეტი ნახვა ჰქონდა. 2015 წელს კრილოვამ წაიკითხა საჯარო ლექცია ტელურიდის სამეცნიერო-კვლევით ცენტრში სერიიდან "ურბანული საუბრები".
კრილოვამ მიიღო მსოფლიო აღიარება, კერძოდ, სპინ-ფლიპ მეთოდის გამოგონებისთვის [10] [11] .
პროფესიული მიღწევები[რედაქტირება | წყაროს რედაქტირება]
კრილოვა შედიოდა მრავალი რეცენზირებული ჟურნალის სარედაქციო საბჭოში, მათ შორისაა: Annual Review of Physical Chemistry, Journal of Chemical Physics, Journal of Physical Chemistry, Chemical Physics Letters, International Journal of Quantum Chemistry, Physical Chemistry–Chemical Physics, Molecular Physics и Wires Computational Molecular Science. იგი იყო მოწვეული რედაქტორი ჯ. ფიზ. ქიმ. პროფესორ ბენი გერბერის და პროფესორ ჰანა რაისლერის საპატივსაცემოდ, სპეციალური გამოცემის Chemical Reviews on theoretical Modelling of theoretical Processes of excited-state Processes და სპეციალური ნომრის Physical Chemistry–Chemical Physics on Quantum Information Science . ამჟამად ის არის ასოცირებული რედაქტორი ჟურნალების Physical Chemistry-Chemical Physics (RSC) და Wires Computational Molecular Science (Wiley).
კრილოვას ორგანიზებული აქვს მრავალი სიმპოზიუმი და არის ქიმიკოს-თეორეტიკოსთა და გამომთვლელთა მსოფლიო ასოციაციის (WATOC) და თეორიული ქიმიური ფიზიკის საერთაშორისო საზოგადოების [16] საბჭოს წევრი,ს Q-Chem Inc-ის პრეზიდენტი. [17] [18] საერთაშორისო კვანტური მოლეკულური მეცნიერებათა აკადემიის და ევროპის აკადემიის არჩეული წევრი. [19]
აქტივიზმი[რედაქტირება | წყაროს რედაქტირება]
კრილოვა აქტიურად არის ჩართული გენდერული თანასწორობის განვითარებაში STEM სფეროებში, განსაკუთრებით თეორიულ ქიმიაში. [20] მან შექმნა და ინახავს ვებ-კატალოგს, [21] სადაც ამჟამად ჩამოთვლილია 400-ზე მეტი ქალი მეცნიერი, რომლებსაც უჭირავთ აკადემიური თანამდებობები ან ექვივალენტური პოზიციები ინდუსტრიაში, ეროვნულ ლაბორატორიებში და სხვა წამყვან კვლევით ინსტიტუტებში. მეცნიერმა წაიკითხა რამდენიმე მოხსენება გენდერული თანასწორობის შესახებ STEM-ში, მათ შორის ლექცია საერთაშორისო სიმპოზიუმზე უფსალაში, შვედეთი [22] .
კრილოვა სიტყვის თავისუფლებისა და აკადემიური თავისუფლების მგზნებარე მომხრეა. ის არის აკადემიური თავისუფლებისთვის ალიანსის დამფუძნებელი წევრი და მისი აკადემიური ხელმძღვანელობის კომიტეტის წევრი. მის სტატიას „მეცნიერების პოლიტიზების საფრთხეები“ [23] აქვს 75 000 ზე მეტი ნახვა და არის ყველა დროის ყველაზე პოპულარული სტატია Journal of Physical Chemistry Letters-ში, Altmetric-ის მიხედვით .[24]
სქოლიო[რედაქტირება | წყაროს რედაქტირება]
- ↑ 1.0 1.1 https://orcid.org/0000-0001-6788-5016
- ↑ https://dornsife.usc.edu/chemistry/krylov/
- ↑ https://www.iotasigmapi.org/_files/ugd/4b35cc_83deffee748f4c98959f31e385d5acd8.pdf
- ↑ https://www.iotasigmapi.org/past-award-winners
- ↑ https://watoc.net/watoc.dirac.html
- ↑ https://www.aps.org/programs/honors/prizes/plyler.cfm
- ↑ https://www.aaas.org/news/aaas-members-elected-fellows-1
- ↑ Faculty Profile > USC Dana and David Dornsife College of Letters, Arts and Sciences en. დაარქივებულია ორიგინალიდან — 2021-03-10. ციტირების თარიღი: 2021-03-14
- ↑ Laboratory for Theoretical Studies of Electronic Structure and Spectroscopy of Open-Shell and Electronically Excited Species - iOpenShell. ციტირების თარიღი: 2018-01-02
- ↑ 10.0 10.1 Size-consistent wave functions for bond-breaking: The equation-of-motion spin-flip model Chem. Phys. Lett., 338, 375–384 (2001)
- ↑ 11.0 11.1 The spin-flip equation-of-motion coupled-cluster electronic structure method for a description of excited states, bond-breaking, diradicals, and triradicals Acc. Chem. Res., 39, 83–91 (2006)
- ↑ Quantum Chemistry of Electronically Excited and Open Shell Species en. ციტირების თარიღი: 2021-08-15
- ↑ From Orbitals to Observables and Back, https://www.youtube.com/watch?v=y23CEnjlzts. წაკითხვის თარიღი: 2021-08-15 Источник. ციტირების თარიღი: 2022-03-10
- ↑ Shine a Light. ციტირების თარიღი: 2018-01-02
- ↑ Laser. ციტირების თარიღი: 2018-01-02
- ↑ International Society for Theoretical Chemical Physics.
- ↑ Quantum Computational Software; Molecular Modeling; Visualization.
- ↑ International Academy of Quantum Molecular Science.
- ↑ Academy of Europe: Krylov Anna.
- ↑ Female chemists protest all-male conference lineup en. ციტირების თარიღი: 2021-09-10
- ↑ Women in theoretical/computational chemistry, material science, and biochemistry. ციტირების თარიღი: 2018-01-02
- ↑ Women in science 2015 – Young Academy of Europe. ციტირების თარიღი: 2018-01-02
- ↑ The Peril of Politicizing Science. ციტირების თარიღი: 2021-08-16
- ↑ Altmetric – The Peril of Politicizing Science. ციტირების თარიღი: 2021-08-16