აბიჯანი

აბიჯანი
დროშა	გერბი
ქვეყანა	კოტ-დ’ივუარი
კოორდ.	5°19′00″ ჩ. გ. 4°02′00″ დ. გ. /
ფართობი	2,119 კმ²
მოსახლეობა	3,660,682 კაცი

აბიჯანი (ფრანგ. Abidjan) — ქალაქი კოტ-დ’ივუარში. აბიჯანის დეპარტამენტის ადმინისტარციული ცენტრი. მდებარეობს გვინეის ყურის ნაპირას. ქალაქს აქვს მსხვილი საზღვაო პორტი, საერთაშორისო აეროპორტი, კვების და მსუბუქი მრეწველობის საწარმოები, უნივერსიტეტი. მოსახლეობა — 3,8 მლნ ადამიანი (2006), გარეუბნებით — 5 მილიონამდე. კოტ-დ’ივუარის უდიდესი ქალაქი.

ისტორია [რედაქტირება]

ქალაქი დაარსდა 1896 წელს და ფრანგული კოლონია სპილოს ძვლის ნაპირის (ახლანდელი კოტ-დ’ივუარი) ცენტრი იყო 1943 წლამდე. დამოუკიდებლობის მოპოვების შემდეგ 1983 წლამდე აბიჯანი ქვეყნის დედაქალაქია. ამის შემდეგ ქვეყნის ოფიციალური დედაქალაქი გახდა იამასუკრო. თუმცა აბიჯანმა შეინარჩუნა დე ფაქტო დედაქალაქის სტატუსი, ქალაქი დღესაც ქვეყნის ეკომომიკური და კულტურული ცენტრია.

კლიმატი [რედაქტირება]

აბიჯანში სუბეკვატორული ჰავაა. გვხვდება ორი წვიმიანი: მაისიდან-ივლისამდე და ოქტომბრიდან-ნოემბრამდე და ორი მშრალი სეზონი: გრძელი დეკემბრიდან-აპრილამდე და მოკლე აგვისტოდან-სექტემბრამდე. ნალექების საშუალო რაოდენობა წელიწადში 2 000 მმ-ია. ყველაზე მშრალი თვე იანვარია (დაახ. 40 მმ), ყველაზე ნალექიანი კი — ივლისი (დაახ. 500 მმ).