ჩოღანო

ჩოღანო
ევროპული ჩოღანო
მეცნიერული კლასიფიკაცია
სამეფო:  მცენარეები კლასი:  ორლებნიანნი ოჯახი:  ჯიჯლაყასებრნი
ლათინური სახელი
Salicornia
სისტემატიკა ვიკისახეობებში სურათები ვიკისაწყობში ITIS   20646 NCBI   46104 EOL   61812 IPNI   6981-1

ჩოღანო (ლათ. Salicornia) — ჰალოფილური მცენარეების გვარი ჯიჯლაყასებრთა ოჯახისა. ერთ- ან მრავალწლოვანი ბალახები ან ბუჩქებია. გვარის 35-მდე სახეობა გავრცელებულია ძირითადად ზომიერ, სუბტროპიკულ და ტროპიკულ სარტყელში.

საქართველოში გვხვდება ერთი სახეობა — ევროპული ჩოღანო (Salicornia europaea); ეს უკანასკნელი წარმოადგენს ერთწლოვან შიშველ მცენარეს, იზრდება ტენიან მლაშობ ნიადაგებზე დაბლობებსა და მთის ქვედა სარტყელში ქართლში, კახეთში (ქიზიყი). ხშირად ჰქმნის რაყას.

იყენებენ სოდის მისაღებ ნედლეულად, ცხვრის საკვებად. ისტორიულად, როგორც სოდის წყაროს, იყენებდნენ მინის წარმოებაშიც.

ლიტერატურა

• ივანიშვილი მ., ქართული საბჭოთა ენციკლოპედია, ტ. 11, თბ., 1987. — გვ. 150.