სოდა

ნატრიუმის ბიკარბონატი

სოდა — ნახშირმჟავას ნატრიუმის მარილების ტექნიკური სახელწოდება. განასხვავებენ სოდის შემდეგ სახეებს: ნატრიუმკარბონატს (Na₂CO₃), სასმელს NaHCO₃ (ნატრიუმის ჰიდროკარბონატი) და კრისტალურს. კაუსტიკურ სოდას ტექნიკასა და ყოფაცხოვრებაში უწოდებენ მწვავე ნატრს NaOH. სოდა ცნობილი იყო უძველესი დროიდან. ჯერ კიდევ ძველი ეგვიპტელები ბუნებრივ სოდას იყენებდნენ სარეცხ საშუალებად და მინის სახარშავად. სახელწოდება სოდა 1736 წელს ნივთიერებას დაარქვა დიაუმელ დიუ მონსომ, მცენარის სახელიდან Sal-sola Soda რომლის ნაცრიდანაც სოდას იღებდნენ.

ბუნებაში გვხვდება სოდის შემდეგი მინერალები: ტრონა და თერმონატრიტი. XIX ს-ის დასაწყისამდე სოდის მოპოვების მთავარ წყაროს ზოგიერთი ზღვის წყალმცენარისა და მცენარის ნაცარი წარმოადგენდა.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 448.