ფიკუსი

ფიკუსი
მეცნიერული კლასიფიკაცია
სამეფო:  მცენარეები
ლათინური სახელი
Ficus
სისტემატიკა ვიკისახეობებში სურათები ვიკისაწყობში ITIS   19081 NCBI   3493 EOL   47119105 IPNI   327905-2

ფიკუსი (ლათ. Ficus) — მცენარეთა გვარი თუთისებრთა ოჯახისა. მარადმწვანე, იშვიათად ფოთოლმცვივანი ხეები და ბუჩქებია, ზოგჯერ — გართხმული ან მცოცავი ლიანები. სახეობათა მეტი წილი ეპიფიტია, ივითარებს დამატებით საჰაერო ფესვებს, რომლებიც მსხვილ სვეტებად გარდაიქმნება და უზარმაზარი ვარჯის საყრდენს წარმოადგენს (ბანიანი).

ზოგიერთი ეპიფიტის საჰაერო ფესვები მჭიდროდ ეხვევა მასპინძელ მცენარეს და იწვევს მის სიკვდილს. ამ გვარის ხეების სიმაღლე 40 მ, დიამეტრი 3—5 მ აღწევს, ხშირად უვითარდებათ ფიცრისებური საყრდენი ფესვები. ყვავილედს იკეთებენ ღეროსა და ტოტებზე (კაულიფლორია).

800 სახეობა მეტწილად გავრცელებულია სამხრეთ-აღმოსავლეთი აზიის, მალაის არქიპელაგის, ახალი გვინეის, სოლომონის კუნძულების ტენიან ტროპიკულ ტყეებში. ფიკუსის ზოგიერთი სახეობის ნაყოფი (ლეღვი) იჭმება, ზოგის (ლათ. Ficus elastica) რძეწვენი შეიცავს კაუჩუკს.

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 299.