ტრიპლე-ფრონტერა
ტრიპლე-ფრონტერა (ესპ. La Triple Frontera; პორტ. Tríplice Fronteira) — სამმაგი საზღვარი სამხრეთ ამერიკაში, პარაგვაის, არგენტინასა და ბრაზილიას შორის, მდინარე იგუასუსა და პარანის შერწყმის ადგილას. ამ არეალში განთავსებულია ქალაქები: სიუდად-დელ-ესტე (პარაგვაი), პუერტო-იგუასუ (არგენტინა) და ფოზ-დუ-იგუასუ (ბრაზილია). ახლოსვე მდებარეობს იგუასუს ჩანჩქერი და იტაიპუს კაშხალი.
მოსახლეობა
[რედაქტირება | წყაროს რედაქტირება]სამმაგი საზღვრის მოსახლეობა თავს იყრის სამ ქალაქში. მათ შორის უდიდესია პარაგვაის ქალაქი სიუდად-დელ-ესტე, სადაც 2010 წლის მონაცემებით 390 000 ადამიანი ცხოვრობს, ბრაზილიის ფოზ-დუ-იგუასუში 300 000, ყველაზე პატარა კი არგენტინის ქალაქი პუერტო-იგუასუა 82 000 მცხოვრებით. არეალში მნიშვნელოვანია არაბი და აზიელი იმიგრანტების წილი, რომელთა საერთო რაოდენობაც 50 000-ს აღწევს.[1]
ტურიზმი
[რედაქტირება | წყაროს რედაქტირება]სამმაგი საზღვარი მნიშვნელოვანი ტურისტული არეალია. ვიზიტორებს შესაძლებლობა აქვთ ნახონ ე. წ. „ძმობის ხიდი“, რომელიც ერთმანეთთან არგენტინის ქალაქ პუერტო-იგუასუსა და ბრაზილიის ქალაქ ფოზ-დუ-იგუასუს აკავშირებს. სამივე ქვეყნის მხარეს აღმართულია ობელისკი, რომელიც იმ ქვეყნის დროშის ფერებშია გადაწყვეტილი, რომლის მხარესაც მდებარეობს. თითოეული ამ ობელისკიდან შესაძლებელია სამივე ქვეყნის ტერიტორიის დანახვა.
რესურსები ინტერნეტში
[რედაქტირება | წყაროს რედაქტირება]25°35′33″ ს. გ. 054°35′35″ დ. გ. / 25.59250° ს. გ. 54.59306° დ. გ.
- CNBC Trish-Regan's Diary From a Dangerous Place
- CNBC In Paraguay Piracy Bleeds US Profits Aids Terrorists დაარქივებული 2012-10-14 საიტზე Wayback Machine.
- Pulitzer Center on Crisis Reporting დაარქივებული 2007-09-02 საიტზე Wayback Machine. Clouds Over Iguaçu (Video)
- South America's regional centre for illegal activities დაარქივებული 2007-11-03 საიტზე Wayback Machine. Jane's Intelligence Review, 26 September 2006
სქოლიო
[რედაქტირება | წყაროს რედაქტირება]- ↑ „Paraguay's Ciudad del Este and the New Centers of Gravity“. Foreign Military Studies Office. April, 2002. ციტირების თარიღი: April 2006. შეამოწმეთ თარიღის პარამეტრი
|accessdate=და|date=-ში (დახმარება)[მკვდარი ბმული]