პულიცერის პრემია

ჯოზეფ პულიცერი.

პულიცერის პრემია (Pulitzer Prize) ამერიკული ჯილდოა და ითვლება უმაღლეს დამსახურებად ბეჭდვით ჟურნალისტიკაში. ჯილდო ასევე ენიჭება ლიტერატურული მიღწევებისა და მუსიკალური კომპოზიციებისთვის. პირველი პულიცერის პრემია მინიჭებულ იქნა 1917 წლის 4 ივნისს. ბოლო დროს ამ ჯილდოს ლაურეატებს ყოველი წლის აპრილში აცხადებენ.

პრემიის ლაურეატებს ასახელებს დამოუკიდებელი საბჭო, რომლის ოფიციალურ ადმინისტრირებას ახდენს კოლუმბიის უნივერსიტეტი აშშ-ში. ჯილდო დააფუძნა გვიანდელი მე-19 საუკუნის უნგრელი წარმოშობის ჟურნალისტმა და საგაზეთო გამომცემელმა, ჯოზეფ პულიცერმა. სახელ „პულიცერს“ ხშირად არასწორად გამოთქვამენ, როგორც „პიულიცერს“ (pew-litser). ზუსტი გამოთქმა, ჯილდოს ადმინისტრატორთა თანახმად, ისევე უნდა ჟღერდეს, როგორც ფრაზა "Pull it, sir".

პრემია გაიცემა კატეგორიებში ჟურნალისტიკის, ხელოვნებისა და მწერლობის განხრით. ჟურნალისტიკაში ჯილდო მხოლოდ აშშ-ში მდებარე გაზეთებსა და ყოველდღიური ახალი ამბების ორგანიზაციებში დაბეჭდილ ან გამოცემულ რეპორტაჟებსა და ფოტოებს ენიჭება.

მხატვრული წიგნისთვის პულიცერის პრემიის ლაურეატები: 1921 - ოურტონი, ედით, უმანკოების ხანა. 1928 - უაილდერი, ტორნტონ, სან ლუის რეის ხიდი. 1937 - მიტჩელი, მარგარეტ, ქარწაღებულნი. 1940 - სტეინბეკი, ჯონ ერნსტ, მრისხანების მტევნები. 1953 - ჰემინგუეი, ერნესტ მილერ, მოხუცი და ზღვა. 1955 - ფოლკნერი, უილიამ ქათბერთ, იგავი. 1961 - ჰარპერ ლი, ნელ, ნუ მოკლავ ჯაფარას. 1963 - ფოლკნერი, უილიამ ქათბერთ, გამტაცებელნი. 1968 - სტაირონი, უილიამ, ნეტ ტერნერის აღსარება. 1982 - აპდაიკი, ჯონ ჰოიერ. 1988 - მორისონი, ტონი. 1991 - აპდაიკი, ჯონ ჰოიერ. 1998 - როთი, ფილიპ მილტონ, ამერიკული პასტორალი. 2005 - რობინსონი, მერილინ, გილეადი. 2007 - მაკ-კართი, კორმაკ, გზა.

რესურსები ინტერნეტში

• ოფიციალური საიტი