პულიცერის პრემია

პულიცერის პრემია
პულიცერის პრემია 2018
პულიცერის ოქროს მედალი
ჯილდო	ჟურნალისტიკა, მუსიკა, ლიტერატურა
წარადგენს	კოლუმბიის უნივერსიტეტი
ქვეყანა	აშშ
პირველად გადაეცა	1917
pulitzer.org

ჯოზეფ პულიცერი.

პულიცერის პრემია (ინგლ. Pulitzer Prize) — ამერიკული ჯილდო, რომელიც ითვლება უმაღლეს დამსახურებად ბეჭდვით ჟურნალისტიკაში. ჯილდო ასევე ენიჭება ლიტერატურული მიღწევებისა და მუსიკალური კომპოზიციებისთვის. პირველი პულიცერის პრემია მინიჭებულ იქნა 1917 წლის 4 ივნისს. ბოლო დროს ამ ჯილდოს ლაურეატებს ყოველი წლის აპრილში აცხადებენ.

პრემიის ლაურეატებს ასახელებს დამოუკიდებელი საბჭო, რომლის ოფიციალურ ადმინისტრირებას ახდენს კოლუმბიის უნივერსიტეტი აშშ-ში. ჯილდო დააფუძნა გვიანდელი მე-19 საუკუნის უნგრელი წარმოშობის ჟურნალისტმა და საგაზეთო გამომცემელმა, ჯოზეფ პულიცერმა. სახელ „პულიცერს“ ხშირად არასწორად გამოთქვამენ, როგორც „პიულიცერს“ (pew-litser). ზუსტი გამოთქმა, ჯილდოს ადმინისტრატორთა თანახმად, ისევე უნდა ჟღერდეს, როგორც ფრაზა „Pull it, sir“.

პრემია გაიცემა კატეგორიებში ჟურნალისტიკის, ხელოვნებისა და მწერლობის განხრით. ჟურნალისტიკაში ჯილდო მხოლოდ აშშ-ში მდებარე გაზეთებსა და ყოველდღიური ახალი ამბების ორგანიზაციებში დაბეჭდილ ან გამოცემულ რეპორტაჟებსა და ფოტოებს ენიჭება.

იხილეთ აგრეთვე

• პულიცერის პრემია მხატვრულ ლიტერატურაში

ლიტერატურა

• Auxier, George W. (March 1940). „Middle Western Newspapers and the Spanish–American War, 1895–1898“. Mississippi Valley Historical Review. Organization of American Historians. 26 (4): 523. doi:10.2307/1896320. ISSN 0161-391X. JSTOR 1896320.

რესურსები ინტერნეტში

• შეგიძლიათ იხილოთ მედიაფაილები თემაზე „პულიცერის პრემია“ ვიკისაწყობში.
• ოფიციალური საიტი