ლილი პონსი
| ლილი პონსი | |
|---|---|
 | |
| დაბადების სახელი | ელეონორა გაბრიელა პონს მარონეზე |
| დაბადების თარიღი |
25 ივნისი, 1996 კარაკასი, ვენესუელა |
| ეროვნება | ვენესუელელი |
| ეთნიკურად | ლათინოამერიკელი |
| საქმიანობა | მსახიობი, მომღერალი, მოცეკვავე, მოდელი |
| აქტიური | 2014-დღემდე |
| რელიგია | კათოლიკობა |
| მშობლები |
მამა: ლუის პონსი დედა: ანა მარონეზე |
ლილი პონსი (ინგლ. Lele Pons), სრული სახელია ელეონორა გაბრიელა პონს მარონეზე (ესპ. Eleonora Gabriela Pons Maronese; დ. 25 ივნისი, 1996, კარაკასი, ვენესუელა) – ამერიკელი ინტერნეტ ვარსკვლავი, მსახიობი, მომღერალი, მოცეკვავე, მოდელი და ბლოგერი. მისი კარიერა 2014 წელს დაიწყო YouTube-ზე. დღეისათვის YouTube-ზე მას 15,7 მილიონი, ხოლო Instagram-ზე 38,6 მილიონი გამომწერი ჰყავს.
ბავშვობა
[რედაქტირება | წყაროს რედაქტირება]ლილი პონსი დაიბადა 1996 წელს კარაკასში. მისი მშობლები არიან ლუის პონსი და ანა მარონეზე, რომელთაც მის შემდეგ კიდევ ერთი გოგონა: რაკილი გაუჩნდათ. როდესაც ლილი ხუთი წლის იყო პონსების ოჯახი აშშ-ში, კერძოდ მაიამიში გადასახლდა. 2015 წელს დაამთავრა მაიამის საშუალო სკოლა და უმაღლესი განათლების მისაღებად ლოს ანჯელესში, კალიფორნიაში გადასახლდა. მისი განცხადებების მიხედვით ლილის სკოლაში მეგობრების გაჩენა ძალიან უჭირდა, რაზეც განაცხადა: „მე არ მომწონს მაგარი გოგონები – მე სხვანაირი გოგო ვარ. მე ვარ ის, ვინც ძირითადად ნერვიულობს ხოლმე, თუმცა ბოლოს ამაყობს ამით[1].“
კარიერა
[რედაქტირება | წყაროს რედაქტირება]პონსმა თავისი კარიერა 2014 წელს, ექვსწამიანი ვიდეოთი დაიწყო, რომელიც Vine-ს ფორმატით გადაიღო. მისი თქმით, მან ვიდეოების გადაღება მხოლოდ მეგობრების გასახალისებლად დაიწყო. თანდათანობით იგი ჯერ სკოლაში, საბოლოოდ კი მთელს ქვეყანაში გახდა პოპულარული თავისი სახალისო ვიდეოებით და ცნობილი Viner-ი გახდა, რომელსაც რამდენიმე წელიწადში ერთი მილიარდი გამომწერი ჰყავდა[1].
დადებით ემოციებთან ერთად მის ვიდეოებს სხვა ბლოგერებისაგან დიდი კრიტიკაც მოჰყვა. ისინი მის კომიკურ სტილს საჯაროდ აკრიტიკებდნენ. როგორც ლილი პონსმა The Cut-თან ინტერვიუში აღნიშნა, მისი ინსპირაცია ისეთი წარმატებული ლათინოამერიკელები იყვნენ, როგორებიც არიან: შაკირა, გაბი ესპინო და სოფია ვერგარა[2].
2016 წელს თავის გამოცდილებაზე დაყრდნობით ლილი პონსმა დაწერა რომანი „სკოლაში გადარჩენა“, რომლის თანაავტორიც მელისა დე ლა კრუზი გახდა[3]. ამავე წელს მან ფილმში „ჩვენ შენ გვიყვარხარ“ როლი შეასრულა, რითიც დაიწყო მისი სამსახიობო კარიერა. იგი ასევე გამოჩნდა MTV-ს საშინელებათა ჟანრის სერიალის პირველ ეპიზოდში სახელად „ყვირილი“, რომელშიც იგი სეზონის პირველი მსხვერპლის როლს ასრულებდა.
2018 წლიდან დაიწყო ესპანურენოვანი სიმღერების ჩაწერა, რომლებმაც YouTube-ზე 4 დღეში 10 მილიონი ნახვა დააგროვა[4]. იგი წარმატებით მოღვაწეობს სამოდელო სფეროშიც. 2017 წელს მილანში პონსმა მონაწილეობა მიიღო Dolce&Gabbana-ს წარმოდგენაში. 2019 წელს მან თავისი პირველი ინგლისურენოვანი სიმღერა ჩაწერა, რასაც დიდი გამოხმაურება მოჰყვა საზოგადოების მხრიდან.
2018 წლის ოქტომბერში ლილი პონსი ლათინური გრემის მე-19 დაჯილდოვების გამარჯვებული გახდა. როგორც 2020 წელს გაკეთებულ ინტერვიუში აღნიშნა, იგი აპირებს გაჰყვეს როგორც სამოდელო საქმიანობას, ასევე მომღერლობასა და ვიდეო ბლოგერობას[5].
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „ლილი პონსი“ ვიკისაწყობში.- https://www.instagram.com/p/BzgYEp8poB4/
- https://www.teenvogue.com/story/lele-pons-vine-star-interview
- https://www.youtube.com/channel/UCi9cDo6239RAzPpBZO9y5SA
- https://watchin.today/channel/UCi9cDo6239RAzPpBZO9y5SA დაარქივებული 2019-03-21 საიტზე Wayback Machine.
- https://www.forbes.com/sites/maddieberg/2016/12/07/how-shots-studios-wants-to-use-data-to-create-the-next-digital-star/#4b245605629c
- https://web.archive.org/web/20180818120106/http://www.sun-sentinel.com/features/fl-reg-lele-pons-celoso-single-music-video-20180816-story.html
- https://web.archive.org/web/20190327022644/http://www.national-report.com/top-venezuela/
- https://www.billboard.com/charts/latin-songs/2018-05-19
სქოლიო
[რედაქტირება | წყაროს რედაქტირება]- ↑ 1.0 1.1 Firman, Tehrene (February 19, 2015). "Exclusive! Get to Know Lele Pons, the Girl Behind Those Vines You Can't Stop Watching". Teen Vogue. Retrieved June 16, 2018.
- ↑ Jones, Allie (April 18, 2017). "Lele Pons Is One Fart Joke Away From World Domination". The Cut. Retrieved June 16, 2018.
- ↑ "Surviving High School". Simon & Schuster. Retrieved June 16, 2018.
- ↑ "Lele Pons Drops Debut Music Video, Clocking 10 Million Views In 4 Days". TubeFilter. Retrieved June 16, 2018.
- ↑ Littleton, Cynthia; Littleton, Cynthia (January 9, 2020). "Lele Pons, Paul Feig and Spotify's Dawn Ostroff Talk Comedic Potential of Podcasts". Variety. Retrieved January 13, 2020.