გუო ლონგჰაი
| გუო ლონგჰაი სერიული მკვლელი | |
|---|---|
| ნამდვილი სახელი | გუო ლონგჰაი |
| დაბ. თარიღი | 1960 |
| დაბ. ადგილი | ჩინეთი |
| გარდაცვალების თარიღი | 13 იანვარი, 2002 |
| დაპატიმრების თარიღი | 2001 |
| განაჩენი | სიკვდილით დასჯა |
| მსხვერპლის რაოდენობა | 14 |
| მკვლელობის მეთოდი | გაგუდვა |
გუო ლონგჰაი (ჩინ.: 郭龙海; დ. 1960 – გ. 13 იანვარი, 2002) — ჩინელი სერიული მკვლელი და მოძალადე. მან 1995-2001 წლებში გუიჯოუსა და გუანსის პროვინციებში გააუპატიურა და მოკლა 14 ახალგაზრდა გოგონა და ქალი. ეს იყო მისი შურისძიება იმის გამო, რომ 1983 წელს გაუპატიურების ბრალდებით ციხეში იჯდა. ის დააკავეს მას შემდეგ, რაც მისმა ბოლო სავარაუდო მსხვერპლმა გადარჩენა შეძლო. 2002 წელს იგი გაასამართლეს, დამნაშავედ ცნეს და სიკვდილით დასაჯეს.
ადრეული ცხოვრება და გაუპატიურებისთვის მსჯავრდება
[რედაქტირება | წყაროს რედაქტირება]გუო დაიბადა 1960-იან წლებში შანდუნში, ჩინეთი. 1968 წელს მამამ იგი დუიუნში წაიყვანა.[1] საშუალო სკოლის დამთავრების შემდეგ მან ადგილობრივ ქარხანაში დაიწყო მუშაობა, დაქორწინდა და თანდათანობით პატივსაცემი უფროსი თანამშრომლის პოზიციამდე მიაღწია. მოგვიანებით მან ყურადღება მიაქცია ახალგაზრდა თანამშრომელ ქალს, სიაო ჯიაოს, რომელსაც არასტაბილური ურთიერთობა ჰქონდა სხვა უფროს თანამშრომელთან. ერთ ღამეს, სამუშაო ადგილას ფილმის ყურების შემდეგ, გუო ქალების საერთო საცხოვრებელში მივიდა და სიაოს სექსუალური კავშირი აიძულა, იმუქრებოდა რომ მის რომანს ხელმძღვანელობას შეატყობინებდა. სამსახურის დაკარგვის შიშით, სიაო დაემორჩილა მას და დაჰპირდა, რომ არავის ეტყოდა.[1]
1983 წელს ქარხანაში ერთი სტუდენტი გამოგზავნეს, რომელიც გუოს დაუმეგობრდა. მან უფროს კაცს გაუმხილა, რომ სიაოს ცდუნება სურდა, მაგრამ ერთ დღეს, როდესაც ისინი სვამდნენ, გუომ უეცრად დაიტრაბახა, რომ მან სიაო გამოიყენა. აღიარებით შოკირებულმა სტუდენტმა პოლიციის განყოფილებაში განაცხადა ინციდენტის შესახებ, რის შემდეგაც გუო დაუყოვნებლივ დააკავეს. დაკითხვისას სიაომ საბოლოოდ აღიარა, რომ გააუპატიურეს, რასაც უარყოფდა გუო, რომელიც ამტკიცებდა, რომ ეს ურთიერთშეთანხმებით მოხდა.[2] საბოლოოდ, ის დამნაშავედ ცნეს გაუპატიურებაში და მიუსაჯეს 10 წლით თავისუფლების აღკვეთა, რაც მოგვიანებით კარგი ქცევის გამო 7 წლამდე შეუმცირეს.[1]
გათავისუფლება
[რედაქტირება | წყაროს რედაქტირება]1990 წელს გათავისუფლების შემდეგ, გუოს ცოლმა იგი ოჯახში მიიღო, მიუხედავად მისი გაუპატიურების მსჯავრდებისა და ღალატისა. თავდაპირველად სამსახურის შოვნა ვერ შეძლო და ქუჩაში სიგარეტებისა და კალენდრების გაყიდვით ირჩენდა თავს, სანამ საბოლოოდ სასოფლო-სამეურნეო კომპანიაში არ დაიწყო მუშაობა. შრომისმოყვარეობის წყალობით, საბოლოოდ მენეჯერის პოზიციამდე დაწინაურდა. მიუხედავად პირად ცხოვრებაში მომხდარი გაუმჯობესებისა, გუო ხშირად ფიქრობდა სიაოზე და იმაზე, თუ როგორ უსამართლოდ მოახვედრა მან ციხეში, რამაც ზოგადად ქალების მიმართ მძაფრი სიძულვილი გაუჩინა. ერთხელ სცადა სიაოს მოძებნა, მაგრამ უშედეგოდ, რადგან მას დუიუნი დიდი ხნის წინ დაეტოვებინა.[1]
მკვლელობები
[რედაქტირება | წყაროს რედაქტირება]1995 წლის პირველ ნახევარში გუო დუიუნის რკინიგზის სადგურზე იყო, როდესაც შემთხვევით ახალგაზრდა ქალს გაესაუბრა. გარკვეული ხნის შემდეგ, ისინი შეთანხმდნენ, რომ ერთად მიირთმევდნენ სადილს და სავაჭროდ წავიდოდნენ. გუომ ქალისთვის ტანსაცმელიც იყიდა. მოგვიანებით, გუომ განაცხადა, რომ ერთ მომენტში მან სიაო მოაგონა და სწორედ ამის გამო გადაწყვიტა მისი მოკვლა.[2] მან ქალს უთხრა, რომ დუშანის ოლქში აპირებდა წასვლას და ჰკითხა, თან გაჰყვებოდა თუ არა, რაზეც ქალი დათანხმდა. საბოლოოდ, ისინი მავანის სოფელში ჩავიდნენ და განმარტოებულ ადგილას ჰქონდათ სექსი. ამის შემდეგ გუომ უთხრა, რომ ის იყო მკითხავი, რომელსაც შეეძლო მისი მომავლის წინასწარმეტყველება, თუ ქალს ხელებს შეუკრავდა. ქალმა თანხმობა განაცხადა, მაგრამ ქამრით ხელების შეკვრის შემდეგ გუომ მას თავისი წარსული გამოცდილების შესახებ უამბო, რის შემდეგაც გაცხარდა და ხელით გაგუდა. მოგვიანებით, გუომ აღიარა, რომ თავდაპირველად შეშინდა, მაგრამ დროთა განმავლობაში მიეჩვია ადამიანების მკვლელობის იდეას და გადაწყვიტა, რომ შემდგომში მოკლავდა ნებისმიერ ქალს, რომელიც მის თვალში "მოძალადედ" ან "ხარბად" გამოჩნდებოდა.[2]
რამდენიმე თვის შემდეგ, გუო საქმიანი მოგზაურობისას გუანგსის პროვინციის ქალაქ ლიოუჭოუში იმყოფებოდა, სადაც კიდევ ერთი ქალი გაიცნო. მან შეძლო ამ ქალის დარწმუნება, რომ ახლოს მდებარე სინჩენის ოლქის მთიან რეგიონებში წასულიყვნენ, სადაც, სექსის შემდეგ, ქალი გაგუდა. 1996 წლის მარტში, კიდევ ერთი საქმიანი მოგზაურობისას, ის იჭოუში იმყოფებოდა, სადაც კიდევ ერთი ქალი გაიცნო და მსგავსად აიძულა ხეჩის სიახლოვეს მდებარე შანკუნდონგის მთაზე წასვლა. იქ, სექსის შემდეგ, მან ქალი გაგუდა.[3]
გუიჯოუსა და გუანსში კიდევ სამი მსხვერპლის მოკვლის შემდეგ, გუო დუიუნში ადვილად მისაწვდომ მსხვერპლთა პოვნას აპირებდა, მათ შორის პირველი იყო 13 წლის ფსიქიკურად დაავადებული სტუდენტი, რომელიც მოტყუვდა მატარებლის სადგურზე და სექსის შემდეგ გუოუმ გოგონა დაახრჩო.[3] 2000 წლის 15 მაისს, გუომ სტუდენტი, მთავრობის ოფისის შენობასთან მდებარე განმარტოებულ პავილიონში მიიტყუა და სექსი შესთავაზა. სტუდენტმა უარი თქვა, რის გამოც გუომ ორივე ხელით ყელში წაუჭირა და უგონო მდგომარეობამდე მიიყვანა. იმის ფიქრში, რომ გოგონა გარდაიცვალა, მან იგი ახლომდებარე არხში გადააგდო, თუმცა სტუდენტი დროულად იპოვეს და საავადმყოფოში გადაიყვანეს, სადაც მალევე გამოჯანმრთელდა.[3]
გამოძიება
[რედაქტირება | წყაროს რედაქტირება]როდესაც მსხვერპლთა რაოდენობა გაიზარდა, სასამართლო ექსპერტებმა დაასკვნეს, რომ უმეტესობა, რომლებიც სავარაუდოდ მეზობელი პროვინციებიდან იყვნენ ჩამოსულები, სექსუალურად იყვნენ ძალადობის მსხვერპლები და მსგავსი მეთოდით მოკლული. ეს მიუთითებდა იმაზე, რომ რეგიონში სერიული მკვლელი მოქმედებდა. ამ ინფორმაციის საფუძველზე გამომძიებლებმა დაიწყეს ადრე ნასამართლევი სექსუალური მოძალადეების გამოკვლევა და ორგანიზებულად დაიწყეს თვალთვალი რკინიგზის სადგურებზე და სხვა ადგილებში, სადაც სექსმუშაკები და მოწყვლადი ახალგაზრდა ქალები ხშირად მოძრაობდნენ.[3]
დაპატიმრება, სასამართლო პროცესი და აღსრულება
[რედაქტირება | წყაროს რედაქტირება]2000 წლის 26 ნოემბრის დილით, გუომ დუიუნის რკინიგზის სადგურზე 27 წლის ქალთან დაიწყო საუბარი, რადგან რამდენიმე დღით ადრე ის გაიცნო მახჟონგის დარბაზში თამაშის დროს.[4] ცოტახნის საუბრის შემდეგ, მან ქალი სახლში სათამაშოდ მიიწვია, რაზეც ქალი დათანხმდა. გზაში, გუომ თქვა, რომ ცოლთან გაშორებული იყო და ბინა გაქირავებული ჰქონდა, თუმცა იმისათვის, რომ მფლობელს არ გაეგო რომ გუოუს სტუმარი აჰყავდა, ის უკანა კარიდან შეიყვანა. როცა ისინი სახლში მივიდნენ, გუომ მოულოდნელად შეიცვალა და უბრძანა ქალს, რომ გაეხადა. სექსის შემდეგ, გუომ სცადა ქალის გაგუდვა, თუმცა ქალმა შეძლო წინააღმდეგობის გაწევა და თავის დაღწევა. გუოსდა გასაკვირად, ქალი არ გაქცეულა და პირიქით, სიგარეტი შესთავაზა, განუმარტა, რომ მისი მოკვლა არ მოიტანდა სარგებელს და არც მისი ცხოვრების პრობლემების გადაწყვეტაში დაეხმარებოდა. მისი სიმამაცით აღფრთოვანებულმა გუომ აიღო სიგარეტი და მისცა ქალს, მაგრამ სანამ გუო აანთებდა სიგარტეს ქალმა მოახერხა გაქცევა და ყველაფრის მოყოლა მეგობართან. მეორე დღეს ეს ინფორმაცია გადაეცა ხელისუფლებას, რის შედეგადაც დაიწყო გამოძიება.[4]
2001 წლის 8 მაისს, გუო დააკავა პოლიციამ, როდესაც ქუჩაში მიდიოდა. დაკავების შემდეგ, გამომძიებლებმა რამდენიმე სისხლის ნიმუში აიღეს და გამოკვლევისთვის გააგზავნეს, რომელთაგანაც თითქმის ყველა დადებითი იყო, რაც კრიმინალურში არსებული სამედიცინო მტკიცებულებების შესაბამისობა გამოკვეთა.[3] ამ დროს, გუომ ღიად აღიარა თავისი დანაშაულები გამომძიებლებთან, განაცხადა, რომ დუიუნში, ლიუჟოუში, გუიდინგის ოლქში, ჰეჩიში და სხვა ადგილებში 14 ქალი მოკლა. ის ასევე ტრაბახობდა, რომ მისმა საქმემ დაჩრდილა ისეთი ცნობილი მკვლელები, როგორებიც იყვნენ ჟანგ ჯუნი და ჟანგ ზიციანი, და რომ ჯეიმ გუმბი „კრავთა დუმილიდან“ ვერ შეედრება მას. თუმცა, მოგვიანებით, ის ბევრად უფრო ბოდიშის მოხდით ამტკიცებდა, რომ იცოდა, რომ ტექნოლოგია მას მიაღწევდა და რომ ვერ შეაჩერებდა თავს მოკვლისგან.[3]
2001 წლის ოქტომბერში, გუო გაასამართლა ციანანის შუალედურმა სახალხო სასამართლომ და მიესაჯა სიკვდილით დასჯა ხოლო 2002 წლის 13 იანვარს სიკვდილით დასაჯეს, მისი სავარაუდო ბოლო სიტყვები იყო: „მე მინდა ისევ ვნახო ჩემი ცოლი, ის ყოველთვის კარგი იყო ჩემთვის და ვწუხვარ მისი და ჩემი შვილის გამო.“[3]
სქოლიო
[რედაქტირება | წყაროს რედაქტირება]- ↑ 1.0 1.1 1.2 1.3 "贵州杀人魔"郭龙海：奸杀14名妙龄女子，却因一句话放走第15人 zh. 163.com (May 15, 2022). დაარქივებულია ორიგინალიდან — November 1, 2022.
- ↑ 2.0 2.1 2.2 强奸杀人犯郭龙海入狱记 zh. new.qq.com (2021). დაარქივებულია ორიგინალიდან — November 1, 2022.
- ↑ 3.0 3.1 3.2 3.3 3.4 3.5 3.6 郭龙海覆灭记，夜晚奸杀女性，2001年，如何被军警生擒? zh. k.sina.com (March 18, 2021). დაარქივებულია ორიგინალიდან — November 1, 2022.
- ↑ 4.0 4.1 贵州杀人狂魔郭龙海：残害14名少女，第15人机智逃脱反手送他入狱 zh. 163.com (April 15, 2022). დაარქივებულია ორიგინალიდან — November 1, 2022.