გივი სიხარულიძე
| გივი სიხარულიძე | |
|---|---|
| დაბადების თარიღი |
28 თებერვალი, 1944 თბილისი, საქართველოს სსრ, სსრკ |
| საქმიანობა | მსახიობი |
| აქტიური | 1972-დღემდე |
| მეუღლე(ები) |
თინა საყვარელიძე
|
| მშობლები | მამა: დიმიტრი სიხარულიძე |
გივი სიხარულიძე (დ. 28 თებერვალი, 1944, თბილისი[1], საქართველოს სსრ) — ქართველი მსახიობი, აგრონომი, მწერალი, მოცეკვავე, სპორტსმენი, ჩოგბურთელი, მთის და წყლის მოთხილლამურე.[2] ვახტანგ ჭაბუკიანის ქორეოგრაფიული სტუდიის ყოფილი წევრი. 1961 წელს სუხიშვილის და რამიშვილის სახელმწიფო აკადემიური დასის სოლისტი გახდა. საშუალო სკოლის დამთავრების შემდეგ, ჩაირიცხა სამეურნეო ინსტიტუტში, სადაც 1969 წლამდე სწავლობდა.
მისი სამსახიობო კარიერა დაიწყო 1972 წელს ფილმით „გასეირნება“. შემდეგ მოდიოდა ფილმები როგორიცაა: „ჭიდაობას რა უნდა“, „ტურანდოტი“ და „დაუმთავრებელი პორტრეტი“. მსახიობმა სახელი გაითქვა ფილმით „უძინართა მზე“ და სერიალით „ცხელი ძაღლი“ (გურამ ჯინორია).
1988 წლიდან 2006 წლამდე გივი იყო ქართული ხალხური ცეკვის დასი „თბილისის“ სამხატვრო ხელმძღვანელი და წამყვანი ქორეოგრაფი.
მწერლობა
[რედაქტირება | წყაროს რედაქტირება]გივი სიხარულიძე არის ავტორი რომანის „იამური“, კიდევ 17 მოთხრობის, ლექსისა და წიგნის. 2005 წელს გივის წიგნს „აწყვეტილი სიცოცხლე — არის + მე“ მიენიჭა მთავარი ქართული ლიტერატურული პრემია „ნიკო ლორთქიფანიძის“ სახელობის.
2013 წელს გივი სიხარულიძემ შექმნა სრულიად ახალი ლიტერატურული ჟანრი, მოგონებებზე დაფუძნებული მოთხრობების კრებული. ამ ჟანრში გამოსცა წიგნები მსოფლიოში ცნობილი საოპერო მომღერლების ლადო ათანელისა და ალეკო ხომერიკის, აჭარის ხალხური ცეკვის სახელმწიფო ანსამბლის მთავარ ქორეოგრაფ/ბალეტმაისტერ თემურ ბიბილეიშვილის, საქართველოს მეცნიერებათა აკადემიის აკადემიკოს შოთა ჯაფარიძისა და მსოფლიოში ცნობილი ოპერისა და ბალეტის თეატრების მხატვრის მურაზ მურვანიძის შესახებ.
1980 წლიდან გივის ნაშრომები იბეჭდება ლიტერატურულ ჟურნალებში და სხვადასხვა პუბლიკაციებში. მისი მოთხრობები ქართული პროზის ანთოლოგიაში შევიდა. ამ მოთხრობებიდან ბევრი ითარგმნა ინგლისურ, რუსულ, ფრანგულ, უკრაინულ, აზერბაიჯანულ და სხვა ენებზე. მას ასახელებენ ახალი ჟანრის „თბილისური მოთხრობების“ შემქმნელად (მოჩვენება მწერალი).
გივი სიხარულიძე იყო საქართველოს მწერალთა კავშირის წევრი და საერთაშორისო ურთიერთობების დეპარტამენტის თავმჯდომარე. 2006 წელს ის აირჩიეს მწერალთა საერთაშორისო კავშირის მიმოხილვის კომიტეტის წევრად მოსკოვში.
გივი სიხარულიძე არის არჩეული ქართველ მწერალთა, მეცნიერთა და საზოგადო მოღვაწეთა აკადემიის აკადემიკოსად.
ჯილდოები
[რედაქტირება | წყაროს რედაქტირება]- 1987 — საქართველოს დამსახურებული არტისტი
- 2014 — ბათუმის საპატიო მოქალაქე
- 2024 — თბილისის საპატიო მოქალაქე[3]
- ცნობილმა ქართულმა გაზეთმა „ახალმა ვერსიამ“ მას გადასცა City’s Vivid Personality Award.
- ნიკო ლორთქიფანიძის სახელობის მთავარი ქართული ლიტერატურული პრემია
რესურსები ინტერნეტში
[რედაქტირება | წყაროს რედაქტირება]- imdb givi sikharulidze
- გივი სიხარულიძის ბიოგრაფია
- გივი სიხარულიძის ინტერვიუ Digest-ისთვის
- გივი სიხარულიძე ბიოგრაფია
სქოლიო
[რედაქტირება | წყაროს რედაქტირება]- ↑ გივი სიხარულიძე მოკლე ბიოგრაფია
- ↑ გივი სიხარულიძის შეჭირვებული ბავშვობა და ახდენილი ოცნება — „კეთილი ხალხით იყო სავსე მაშინ თბილისი“
- ↑ „თბილისის საპატიო მოქალაქის წოდება 25 ადამიანს მიენიჭა“. 1tv.ge. ციტირების თარიღი: 5 ოქტომბერი, 2024. შეამოწმეთ თარიღის პარამეტრი
|access-date=-ში (დახმარება)