Syd Barrett — სიდ ბარეტის კომპილაციური გამოცემა, რომელშიც შეტანილია მისი ორი ალბომი - The Madcap Laughs და Barrett. გამოვიდა 1974 წელს. ორივე ალბომი ჩაწერილია მუსიკოსის მიერ პინკ ფლოიდის დატოვების შემდეგ.
მას შემდეგ, რაც პინკ ფლოიდის ალბომმა The Dark Side of the Moon უდიდესი წარმატება იქონია, ლეიბლმა EMI გადაწყვიტა, გამოეცა ბარეტის ალბომებიც, იმ იმედით, რომ ამჯერად მათ უფრო დიდი ყურადღება მიექცევა, ვიდრე მანამდე. თუმცა, კრებულის წარმატება აშშ-ში აღინიშნა მხოლოდ #163 პოზიციით ჩარტში.
გარეკანზე გამოტანილ სიდის ფოტოსურათთან ერთად, სტორმ თორგერსონმა დიზაინში გამოიყენა მოგონება რეალურ ამბავზე - მისივე თქმით, ერთ-ერთ წვეულებაზე სიდმა ერთ კუთხეში დადო ქლიავი, ასანთის კოლოფი და ფორთოხალი და ამ ყველაფერს მისჩერებოდა.
გამოცემის შიდა მხარეს წარმოდგენილია ჯგუფისა და სიდ ბარეტის ფოტოსურათები.
[1]