Bathory

მასალა ვიკიპედიიდან — თავისუფალი ენციკლოპედია
ბათორის ლოგო
ბათორის ლოგო

ბათორი(ბენდი)-შვედური შავი და ვიკინგური მეტალის ბენდი, დაარსებული 1983-წლის მარტში, ვალინგბში (სტოკჰოლმის დისტრიქტი) გიტარისტ და ვოკალისტ ქუორთონის (ნამდვილი სახელი თომას ფორსბერგი) მიერ. ბენდმა დიდი გავლენა მოახდინა, სხვა შემდგომი შავი მეტალის არტისტებზე და აღნიშნული ჟანრის ერთ-ერთ პიონერად ითვლება, ვენომისა და მერსიფულ ფეიტის გვერდით. ბენდის პირველი ოთხი ალბომი სწორედ შავ მეტალს განეკუთვნება.

ბათორის სადებიუტო ალბომი
ბათორის სადებიუტო ალბომი

ისტორია[რედაქტირება | წყაროს რედაქტირება]

ბათორი დაარსებულ იქნა 1983-წელს ქუორთონის მიერ, რომელიც ამ დროს 17-წლის იყო, მას შეუერთდნენ დრამერი ჯონას აკერლუნდი და ბას გიტარისტი ფრედერიკ მელანდერი. ქუორთონის განცხადებით ბენდის სახელი უნგრელი გრაფინიასა და სერიული მკვლელის ელიზაბეთ ბათორის სახელისგან მოდის, თუმცა აკერლუნდის თქმით, ბენდმა სახელი ვენომის სიმღერა "გრაფინია ბათორისგან" მიიღო. ჯგუფის შედარებით გვიანი შრომები მხოლოდ ქუორთონის მიერაა ჩაწერილი, როდესაც იგი ბენდის ერთადერთ წევრსღა წარმოადგენდა. მათი შედარებით ადრეული სიმღერები კი სატანიზმის დიდ გავლენას განიცდიდა, თუმცაღა თავად არასდროს ყოფილა სატანისტური. მსგავს თემებზე წერა ქრისტიანობის წინააღმდეგ ჯანყისთვის იყო გამიზნული და მის კრიტიკას წარმოადგენდა, რაც მერე ბევრმა შავი მეტალის არტისტმა შეითვისა.

ბენდმა თავისი სადებიუტო და იგივესახელწოდების ალბომი (Bathory) 1984-წელს გამოუშვა, რომლის გარეკანის ფოტოდ შავ ფონზე გამოსახული თხა იყო გამოყენებული. ალბომის ადრეული ვერსია ოქროსფერი იყო, ქუორთონს მისი გაფორმება ნამდვილი ოქროთი სურდა, თუმცა ეს ზედმეტად ძვირი დაჯდებოდა. ჯგუფმა თავისი კარიერის მანძილზე სულ რამდენჯერმე ჩაატარა კონცერტი და ისიც თავის ადრეულ წლებში, შემდგომ მათ ლაივზე უარი თქვეს. ბათორის მომდევნო სამი ალბომი The return..., Under the sign of the black mark, და Blood fire death ჯერაც შავი მეტალს განეკუთვნებოდნენ. ჯგუფის ადრეული სტილი მანამდე არსებული, მოუტერჰედისა და შავი საბათისას გავდა, თუმცაღა დროთა განმავლობაში ჩამოაყალიბა საკუთარი, შედარებით მელოდიური სტილი, რომელსაც შემდგომ ნორვეგიული შავი მეტალის სცენაზეც ბევრნი იყენებდნენ. მეოთხე ალბომში, უკვე გამოჩნდა ჰეროიზმის იდეები, სკანდინავიური მოტივებით, ხოლო მეხუთე ალბომი (Hammerheart) მთლიანად ვიკინგურ მეტალს განეკუთვნებოდა. ეს სტილი ჯგგუფის შემდგომ ალბომებშიც შენარჩუნდა, რამდენიმე გამონაკლისის გარდა, კერძოდ კი Requiem (1994) და Octagon (1995), რომლებიც თრეშ მეტალს განეკუთვნებოდნენ და Destroyer of worlds (2001), რომელიც ჯგუფის ძველ სტილში დაბრუნებას წარმოადგენდა. ჯგუფმა არსებობა შეწყვიტა 2004-წელს, როდესაც ქუორთონი გულის შეტევისგან გარდაიცვალა. მის საპატივსაცემოდ 2006-წელს გამოშვებულ იქნა ბათორის საუკეთესო სიმღერათა ნაკრები.

ქუორთონის საფლავი
ქუორთონის საფლავი სანდსბორგის სასაფლაოზე

დისკოგრაფია[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

მოძიებულია „https://ka.wikipedia.org/w/index.php?title=Bathory&oldid=4579840“-დან