.გე
| .გე | |
|---|---|
| შემოღებულია | 2016 წლის 20 იანვარი |
| დომენის ტიპი | ზედა დონის ეროვნული დომენი |
| სტატუსი | მოქმედი |
| რეგისტრატორი | ITDC |
| დანიშნულება | საქართველოსთან დაკავშირებული სხვადასხვა ობიექტი |
| ფაქტობრივი გამოყენება | მხედრული ანბანით დაწერილი საინტერნეტო მისამართებისთვის |
| საიტი | რეგისტრაცია.გე |
.გე — ზედა დონის ქართულენოვანი ეროვნული დომენი (ccTLD) საქართველოსთვის.
აღნიშნული ინტერნაციონალიზებული დომენური სახელი, რომელიც საქართველოს კომუნიკაციების ეროვნულმა კომისიამ, საჯარო გამოკითხვის საფუძველზე შეარჩია და წარუდგინა ინტერნეტ-დომენების მაკონტროლებელ ორგანიზაციას,[1] ქვეყნის ორნიშნიანი ლათინური კოდია GE, წარმოდგენილი მხედრული ანბანის ასონიშნებით, განითა და ენით. მისი მეშვეობით, შესაძლებელია ქართული მხედრული ანბანით აკრეფილი ინტერნეტ-მისამართების რეგისტრაცია.
ისტორია[რედაქტირება | წყაროს რედაქტირება]
2009 წლის 16 ოქტომბერს დაიწყო დომენური სახელების (ქვეყნის კოდი ზედა დონის დომენში - ccTLD) ინტერნაციონალიზაცია, „მინიჭებული სახელებისა და ნომრების ინტერნეტ-კორპორაციის (ICANN)“ მიერ დამტკიცებული პროგრამის ფარგლებში.[1] საქართველოს კომუნიკაციების ეროვნულმა კომისიამ, რომელიც ქვეყნის ინტერესებს წარმოადგენს ზემოაღნიშნულ კომიტეტში 2005 წლის თებერვლიდან,[2] მას შემდეგ რაც მისი მე-100 სამთავრობო წევრი გახდა, მიიღო ამ პროგრამაში მონაწილეობა და შეფასებისთვის წარადგინა დომენური სტრიქონი .გე, რომელიც წინასწარ შეირჩა გამოკითხვის შედეგად ალტერნატიული ვარიანტებიდან: „კა“ (ორნიშნიანი საერთაშორისო ენის კოდი Ka[rtuli]) და „სა“ (პირველი ორი ასო, ქვეყნის ქართული დასახელებიდან).[3]
შეფასების ეტაპი წარმატებით დასრულდა 2011 წლის მარტში და ქვეყანას მიენიჭა აღნიშნული ინტერნაციონალიზებული დომენური სახელი.[1] 2014 წლის 24 ოქტომბრიდან კი საქართველოს ოფიციალურად მიეცა უფლება, საინტერნეტო მისამართების მხედრული ანბანითა და .გე დაბოლოებით დაწერის.[2][4] ამგვარი დომენური სახელების განკარგვის უფლება გადაეცა პროგრამაში მონაწილე, „საინფორმაციო ტექნოლოგიების განვითარების ცენტრს (ITDC)“.[5]
2016 წლის 20 იანვრიდან დაიწყო რეზერვაციის პროცესი სახელმწიფო საჭიროების, სავაჭრო ნიშნის შემცველი ან .ge დომენის მფლობელებისთვის, ხოლო 6 თვის შემდეგ, 8 აგვისტოდან, რეგისტრაცია საყოველთაოდ გაიხსნა და მისამართები ხელმისაწვდომი გახდა როგორც საქართველოს, ასევე სხვა ქვეყნის რეზიდენტი ნებისმიერი ფიზიკური და იურიდიული პირისთვის. დომენის შერჩევა და დარეგისტრირება შესაძლებელია ონლაინ-რეჟიმში, პირდაპირ ვებგვერდიდან.[6]
იხილეთ აგრეთვე[რედაქტირება | წყაროს რედაქტირება]
რესურსები ინტერნეტში[რედაქტირება | წყაროს რედაქტირება]
- IANA .გე ინფორმაცია
- .გე დომენის რეგისტრაციის გვერდი დაარქივებული 2013-07-10 საიტზე Wayback Machine.
სქოლიო[რედაქტირება | წყაროს რედაქტირება]
- ↑ 1.0 1.1 1.2 საქართველოს მოენიჭა ინტერნაციონალიზებული დომენური სახელი (ქვეყნის კოდი ზედა დონის დომენში - ccTLD) .გე;. GNCC (2011-03-09). ციტირების თარიღი: 2019-04-09.
- ↑ 2.0 2.1 ქართული დამწერლობით ინტერნეტ მისამართების გამოყენება ხდება შესაძლებელი. GNCC (2016-01-22). ციტირების თარიღი: 2019-04-09.
- ↑ .გე Georgian IDN ccTLD. aptld.org. დაარქივებულია ორიგინალიდან — 2019-04-09. ციტირების თარიღი: 2019-04-09.
- ↑ ქართული დომენის “.გე” გამოყენების უპირატესობები. netgazeti.ge (2016-09-06). ციტირების თარიღი: 2019-04-09.
- ↑ Report on the Delegation of the (“გე”) domain to the Information Technologies Development Center. IANA (2014-09-26). ციტირების თარიღი: 2019-04-09.
- ↑ .გე ზონის დომენის სარეზერვო ბაზის შესაქმნელად წინასწარ რეზერვაცია დაიწყო. Marketer.ge (2016-02-01). ციტირების თარიღი: 2019-04-09.