ჯერემი რენერი

ჯერემი რენერი
ჯერემი რენერი
	; ჯერემი რენერი 2014 წელს
დაბადების სახელი	ჯერემი ლი რენერი
დაბადების თარიღი	7 იანვარი 1971; მოდესტო, კალიფორნია, აშშ
საქმიანობა	მსახიობი; მუსიკოსი
აქტიური	1995–დღემდე
მეუღლე(ები)	სონი პაჩეკო (დაქორწინდნენ 2014)
შვილ(ებ)ი	1

ჯერემი რენერი (ინგლ. Jeremy Lee Renner; დ. 7 იანვარი 1971, მოდესტო, კალიფორნია, აშშ) — ამერიკელი კინომსახიობი და მუსიკოსი. კინოში გამოჩნდა უმეტესად 2000-იან წლებში, სადაც ძირითადად მეორეხარისხოვან როლებს ასრულებდა. რენერი ორჯერ იყო ნომინირებული ოსკარის პრემიაზე.

ბიოგრაფია

ჯერემი რენერი დაიბადა კალიფორნიის შტატის ქალაქ მოდესტოში. იგი ვალერი კერლისა და ლი რენერის შვილია.^[1] ჰყავს ხუთი უმცროსი ალალი ძმა. დაამთავრა ფრედ ბეიერის საშუალო სკოლა, რის შემდეგ სწავლა განაგრძო ორწლიანი კურსით ქალაქ მოდესტოში.^[2] რენერმა კინოკარიერა დაიწყო როგორც ქარიზმატულმა ანტიგმირმა.^[3]

მას განსახიერებული აქვს მეჩვიდმეტე საუკუნის ვამპირის, შეიარაღებული ალკოჰოლიკის, სერიული მკვლელისა და სხვა როლები. რენერმა მონაწილეობა მიიღო ასევე სატელივიზიო პროექტებში: „ანგელოზი“, „დანაშაულის ადგილი“, „ექიმი ჰაუსი“ და სხვა. რენერმა კინოკრიტიკოსების მხრიდან ყურადღება მიიქცია შესრულებული როლებით ფილმებში: „დამერი“, „ნეო ნედი“. საყოველთაო პოპულარობა და აღიარება მოუტანა ფილმმა „ქარიშხლის მბრძანებელი“. ამ ფილმში შესრულებული როლისთვის ჯერემი რენერი ნომინირებულ იყო ოსკარის პრემიაზე, როგორც საუკეთესო მსახიობი. 2010 წელს როლი მიიღო ბენ აფლეკის ფილმში „ქალაქი“. შესრულებული როლისთვის რენერმა მეორეჯერ მიიღო ოსკარის პრემიაზე ნომინაცია.

2011 წლის 14 დეკემბერს „შეუსრულებელი მისიის“ მეოთხე ნაწილის პრემიერა გაიმართა, ფილმში რენერმა ერთ-ერთი მთავარი როლი შეასრულა, მან ითან ჰანთის თანაშემწე აგენტი უილიამ ბრენდტი განასახიერა. 2012 წელს რენერის პოპულარობა კიდევ უფრო გაიზარდა, მსახიობმა „ბორნის“ სერიების მთავარი გმირი ჯეისონ ბორნი შეცვალა, რომელსაც მეტ დეიმონი ასრულებდა და ახალ სერიაში ახალი აგენტი აარონ კროსი განასახიერა.

2013 წლის იანვარში, კინოგაქირავებაში გამოვიდა ფილმი „ალქაჯებზე მონადირეები“, სადაც რენერმა ჯემა არტენტონთან ერთად მთავარი როლი შეასრულა, პრემიერიდან ორ თვეში კი მსახიობი 42 წლის ასაკში მამა გახდა, მას 28 მარტს ქალიშვილი შეეძინა.

ფილმოგრაფია

წელი		ქართულად	მშობლიური სახელწოდება	როლი
1995	ფ	უფროსი კლასის მოსწავლის მგზავრობა	National Lampoon's Senior Trip	დაგსი
2000	ს	ანგელოზი	Angel	პენი
2001	ს	დანაშაულის ადგილი	CSI: Crime Scene Investigation	როჯერ ჯენინგსი
2001	ფ	თევზის კასრი	Fish in a Barrel	რემი
2002	ფ	დამერი	Dahmer	ჯეფრი დამერი
2002	ფ	მაიმუნის სიყვარული	Monkey Love	დილი
2003	ფ	ანგელოზთა ქალაქის სპეცრაზმი	S.W.A.T.	ბრაიან გემბლი
2004	ფ	მატყუარა გრძნობები	The Heart Is Deceitful Above All Things	ემერსონი
2005	ფ	მცირეოდენი გასეირნება ზეცაში	A Little Trip to Heaven	ფრედი
2005	ფ	ჩრდილოეთის ქვეყანა	North Country	ბობი შარპი
2005	ფ	თორმეტი და ჰოლდინგი	12 and Holding	გას მეიტლანდი
2005	ფ	ნეო ნედი	Neo Ned	ნედი
2005	ფ	დოგთაუნის მეფეები	Lords of Dogtown	ჯეი ადამს მენეჯერი
2007	ფ	28 კვირის შემდეგ	28 Weeks Later	სერჟანტი დოილი
2007	ფ	აიღე	Take	საული
2007	ს	ექიმი ჰაუსი	House	ჯიმი კუიდი
2007	ფ	ჯესი ჯეიმზის მკვლელობა	The Assassination of Jesse James by the Coward Robert Ford	ვუდ ჰიტი
2009	ფ	ქარიშხლის მბრძანებელი	The Hurt Locker	სერჟანტი უილიამ ჯეიმზი
2010	ფ	ქალაქი	The Town	ჯეიმზ კაფლინი
2011	ფ	თორი	Thor	კლინტ ბარტონი
2011	ფ	შეუსრულებელი მისია: ფანტომის პროტოკოლი	Mission: Impossible – Ghost Protocol	ბრანდტი
2012	ფ	შურისმაძიებლები	The Avengers	კლინტ ბარტონი
2012	ფ	ბორნის მემკვიდრეობა	The Bourne Legacy	აარონ კროსი
2013	ფ	ჯადოქარზე მონადირეები	Hansel & Gretel: Witch Hunters	ჰენსელი
2013	ფ	იმიგრანტი	The Immigrant	ორლანდო
2013	ფ	ამერიკული შეხლა-შემოხლა	American Hustle	კარმინ პოლიტო
2014	ფ	მოკალი მაცნე	Kill the Messenger	გერი ვები
2015	ფ	შეუსრულებელი მისია	Mission: Impossible 5	უილიამ ბრანდტი
2015	ფ	შურისმაძიებლები: ულტრონის ეპოქა	Avengers: Age of Ultron	კლინტ ბარტონი
2016	ფ	კაპიტანი ამერიკა: სამოქალაქო ომი	Captain America: Civil War	კლინტ ბარტონი

რესურსები ინტერნეტში

სქოლიო

↑ Pardee, Thomas; John Holland (Saturday, January 5, 2008). „Actor Jeremy Renner escapes injury as huge tree topples“. The Modesto Bee. დაარქივებულია ორიგინალიდან — აპრილი 18, 2008. ციტირების თარიღი: 25 თებერვალი, 2010. შეამოწმეთ თარიღის პარამეტრი |accessdate= და |date=-ში (დახმარება)
↑ Staff writers (February 2, 2010). „Oscar Nominee Renner: 'It's Awesome. Really Awesome': Modesto actor nominated for best actor in 'The Hurt Locker'“. The Modesto Bee. დაარქივებულია ორიგინალიდან — დეკემბერი 11, 2012. ციტირების თარიღი: February 25, 2010.
↑ "Jeremy Renner"

[ref1-1] Pardee, Thomas; John Holland (Saturday, January 5, 2008). „Actor Jeremy Renner escapes injury as huge tree topples“. The Modesto Bee. დაარქივებულია ორიგინალიდან — აპრილი 18, 2008. ციტირების თარიღი: 25 თებერვალი, 2010. შეამოწმეთ თარიღის პარამეტრი |accessdate= და |date=-ში (დახმარება)

[ref2-2] Staff writers (February 2, 2010). „Oscar Nominee Renner: 'It's Awesome. Really Awesome': Modesto actor nominated for best actor in 'The Hurt Locker'“. The Modesto Bee. დაარქივებულია ორიგინალიდან — დეკემბერი 11, 2012. ციტირების თარიღი: February 25, 2010.

[3] "Jeremy Renner"

[1]

[2]

[3]