ჯეიმზ ფრანკო

ჯეიმზ ფრანკო
დაბადების სახელი	ჯეიმზ ედვარდ ფრანკო
დაბადების თარიღი	19 აპრილი, 1978 (1978-04-19) პალო ალტო, კალიფორნია, აშშ
მოქალაქეობა	აშშ
ალმა-მატერი	Instituto San Martín Curicó, იელის უნივერსიტეტი, კალიფორნიის უნივერსიტეტი, როდ-აილენდის დიზაინის სკოლა, New York University Tisch School of the Arts, კოლუმბიის უნივერსიტეტის ხელოვნების სკოლა, ბრუკლინის კოლეჯი, Palo Alto High School, Warren Wilson College და UCLA Extension
საქმიანობა	მსახიობი, რეჟისორი, სცენარისტი, პროდიუსერი, მხატვარი
აქტიური	1997 – დღემდე

ჯეიმზ ედვარდ ფრანკო (ინგლ. James Franco; დ. 19 აპრილი, 1978) — ამერიკელი მსახიობი, რეჟისორი, სცენარისტი, პროდიუსერი, მხატვარი.

ბიოგრაფია

სამსახიობო მოღვაწეობა დაიწყო გვიან 90-იან წლებში, როდესაც მონაწილეობა მიიღო სატელევიზიო სერიალში Freaks and Geeks და რამდენიმე ახალგაზრდულ ფილმში. 2001 წელს ფრანკომ შეასრულა მთავარი როლი მარკ რიდელის მიერ გადაღებულ სატელევიზიო ბიოგრაფიულ ფილმში ჯეიმზ დინი, რითიც მან დაიმსახურა ოქროს გლობუსი ნომინაციაში საუკეთესო მსახიობი მინისერიალში ან სატელევიზიო ფილმში.

ფრანკომ მოიპოვა საერთაშორისო აღიარება მარველის კომიქსების პერსონაჟ ადამიანი-ობობას შესახებ გადაღებულ ტრილოგიაში ჰარი ოსბორნის როლის შესრულებით. ამის შემდეგ, მან მონაწილეობა მიიღო სამხედრო ფილმში დიდი რეიდი (2005), რომანტიკულ დრამაში ტრისტანი & იზოლდა, და ჯასტინ ლინის დრამაში ანაპოლისი (2006). 2008 წელს მან ითამაშა კომედიაში ანანასის ექსპრესი და დაიმსახურა მეორე ოქროს გლობუსი, ამჯერად ნომინაციაში - საუკეთესო მამაკაცი მსახიობი მიუზიკლსა ან კომედიაში. ამავე წელს მან ითამაშა დენი ელფმენი ბიოპიკში მილკი, რომელიც მოგვითხრობს პოლიტიკოსისა და აქტივისტის ჰარვი მილკის შესახებ. 2010 წელს ფრანკომ მთავარი როლი შეასრულა ფილმში 127 საათი, რომელიც დაფუძნებულია ნამდვილ ამბავზე, ამერიკელი მთამსვლელი აარონ რელსტონის შესახებ. ამ როლის შესრულებისთვის მან დაიმსახურა ოსკარისა და ოქროს გლობუსის ნომინაციები.

2011 წელს ფრანკომ უმასპინძლა ოსკარის 83-ე დაჯილდოებას ენ ჰეთეუეისთან ერთად. აღსანიშნავია, რომ ამავე დროს ის ნომინირებული იყო ოსკარზე საუკეთესო მსახიობი მამაკაცისთვის.

ფილმოგრაფია

წელი		ქართულად	მშობლიური სახელწოდება	როლი
2002	ფ	ადამიანი-ობობა	Spider-Man	ჰარი ოსბორნი
2004	ფ	ადამიანი-ობობა 2	Spider-Man 2	ჰარი ოსბორნი
2006	ფ	ანაპოლისი	Annapolis	ჯეიკ ჰიუარდი
2007	ფ	ადამიანი-ობობა 3	Spider-Man 3	ჰარი ოსბორნი
2008	ფ	მილკი	Milk	სკოტ სმითი
2010	ფ	ჭამე ილოცე შეიყვარე	Eat Pray Love	დევიდი
2010	ფ	127 საათი	127 Hours	არონ რალსტონი
2011	ფ	მაიმუნების პლანეტის აჯანყება	Rise of the Planet of the Apes	უილ როდმანი
2013	ფ	საგაზაფხულო არდადეგები	Spring Breakers	უცხო
2013	ფ	შიდა ფრონტი	Homefront	გეიტორ ბონდი
2014	ფ	ინტერვიუ	The Interview	დევიდ სკაილარკი
2015	ფ	უდაბნოს დედოფალი	Queen of the Desert	ჰენრი კადოგანი
2015	ფ	ყველაფერი კარგად იქნება	Every Thing Will Be Fine	ტომასი
2015	ფ	მე ვარ მაიკლი	I Am Michael	მაიკლ გლეიცი
2017	ფ	The Disaster Artist	The Disaster Artist	ტომი ვისო

რესურსები ინტერნეტში

ვიკისაწყობში არის გვერდი თემაზე:

ჯეიმზ ფრანკო

• ჯეიმზ ფრანკო — კინოფილმების ინტერნეტ მონაცემთა ბაზა (ინგლისური)