ჩიორა

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ჩიორა
ჟანრი დრამა, მელოდრამა
რეჟისორი ნელი ნენოვა
გენო წულაია
სცენარის ავტორი ბესიკ ოდიშარია
როლებში ხათუნა ჩაგელიშვილი
თენგიზ გიორგაძე
გოჩა აფციაური
კომპოზიტორი ალექსანდრე ბასილაია
მუსიკა ჩიორა
ხმის ოპერატორი ზურაბ ნადარაია
ოპერატორი გივი რაჭველიშვილი
მხატვარი გია ლაფერაძე
სტუდია ქართული ფილმი
გამოსვლის თარიღი 1984
ხანგრძლივობა 1 სთ 21 წთ
ქვეყანა საქართველოს დროშა საქართველო
საბჭოთა კავშირის დროშა სსრკ
საქართველოს სსრ–ის დროშა საქართველოს საბჭოთა სოციალისტური რესპუბლიკა
ენა ქართული ენა, რუსული ენა

ჩიორაქართული დრამატული ფილმი, რომელიც ლენინის ორდენოსანმა კინოსტუდია „ქართულმა ფილმმა“ გადაიღო 1984 წელს. ფილმის რეჟისორები არიან ნელი ნენოვა და გენო წულაია.

სიუჟეტი[რედაქტირება | წყაროს რედაქტირება]

მარიმ და ნიკამ ერთად ყოფნა გადაწყვიტეს და, ნიკას ინიციატივით, ზღვისპირა ქალაქში გაიპარნენ. იქ ნიკას ბიძასთან უნდა დარჩენილიყვნენ, თუმცა ნიკას ბიძა სათევზაოდ არის წასული. იმის გამო, რომ ქორწინებაში არ იმყოფებიან, ვერ შეძლეს ოთახის დაქირავება. ერთ-ერთ კაფეში ყოფნისას ნიკას ჩხუბი მოსდის. მას ეხმარება ჩიორა. ახალგაზრდები შემდგომში მოგზაურობას მასთან ერთად განაგრძობენ. დროდადრო ნათელი ხდება, რომ ჩიორას მარის მიმართ ინტერესი უჩნდება.

რისკების მოყვარული ჩიორა, იმ იმედით, რომ ავტომობილის მძღოლს დაარწმუნებს, თითქოს ავარია უკანასკნელის ბრალია და ასე ფულად თანხასაც იშოვნის, განგებ ეჯახება ერთ-ერთ ავტომობილს, მაგრამ რამდენიმე დღის შემდეგ საავადმყოფოში გარდაიცვლება. მარის ამ დროისთვის ყველაფერი ბეზრდება და, როდესაც ნიკასთან ერთად მატარებლით თბილისში ბრუნდება, ერთ-ერთ ბაქანზე წყლის სასმელად ჩადის და ნიკა, მატარებლის გამცილებლის ძალისხმევის გამო, იძულებულია, ვაგონში დარჩეს. თბილისში იგი მარის შემთხვევით შეხვდება, მაგრამ მარის აღარ სურს მასთან საუბარი.

როლებში[რედაქტირება | წყაროს რედაქტირება]

მსახიობი როლი
ხათუნა ჩაგელიშვილი მარი მარი
თენგიზ გიორგაძე ნიკა ნიკა
გოჩა აფციაური ჩიორა ჩიორა
ლია ელიავა ნიკას დედა ნიკას დედა
ვაჟა ფირცხალაიშვილი გოგი, ნიკას მამა გოგი, ნიკას მამა
თეა (ნათელა) გაბუნია მარიკას დედა მარიკას დედა
კახა ღვინჯილია მარიკას ძმა მარიკას ძმა
თინათინ ბაბლიძე
მარიკა გოგიჩაიშვილი
გიორგი სულაძე
თამარ თუშიშვილი
ირაკლი კალანდაძე
ლია კაპანაძე
ზურაბ (კეკური) ლაფერიძე
ელენე (ჩიტო) ლანდია
ნოდარ მასხულია
ლიანა მიქავაშიძე
სოსო პაჭკორია
გიზო სირაძე
შოთა სხირტლაძე
გიორგი ხვადაგიანი
მარიკა ტყეშელაშვილი
ლია ხაჩატუროვა
ივანე ჩხეიძე

გადაღება[რედაქტირება | წყაროს რედაქტირება]

ფილმის გადაღებები ძირითადად აფხაზეთში მიმდინარეობდა, გვიანდელ შემოდგომამდე. მსახიობები იძულებულები იყვნენ, სიცივეში ეტარებინათ საზაფხულო ტანისამოსი.

გიორგი აფციაური, ჩიორას როლის შემსრულებელი, სკოლის დამთავრების შემდეგ სასოფლო-სამეურნეო ინსტიტუტში სწავლობდა. რეჟისორის ასისტენტმა ვაჟა ბასილაიამ იგი ქუჩაში შეამჩნია და მსახიობთა შერჩევაზე მიიწვია. ორი კვირის შემდეგ ყმაწვილი როლზე დაამტკიცეს და გააცნეს ნიკას როლის სავარაუდო შემსრულებელი - თენგიზ გიორგაძე, რუსთაველის თეატრის ახალბედა მსახიობი. პარალელურად დაიწყო მარის როლის შემსრულებლის ძიება. როდესაც გოგონები მოჰყავდათ, აზრს გიორგის და თენგიზს ეკითხებოდნენ. მათ უმალვე მოეწონათ ხათუნა ჩაგელიშვილი. გადაღებების დასრულების შემდეგ ჩიორა კახა თავართქილაძემ გაახმ­ოვანა, ნიკა - რევაზ ჩხიკვიშვილმა (რომელმაც მოგვიანებით ხათუნაზე იქორწინა)[1]. სინამდვილეში, თავდაპირველი ჩანაფიქრით, თენგიზ გიორგაძეს უნდა შეესრულებინა ჩიორას როლი, ლევან უჩანეიშვილი მოიზრებოდა ნიკას როლზე, ხოლო ნინო ბურდული უნდა ყოფილიყო მარი.[2]

გადაღებების დროს რამდენიმე სირთულე წარმოიშვა, მათ შორის - ავარიის სცენებთან დაკავშირებით. გიორგი აფციაურს ნამდვილად დაეჯახა მანქანა და ეს ეპიზოდი უცვლელად შეიტანეს ფილმში.[1]

გიორგი იხსენებდა: „ვფიქრობდი, ან დიდი მსახიობი უნდა გახდე, ან სულ არ უნდა მოინდომო მსახიობობა-მეთქი. ჩემგან მსახიობი არ დადგებოდა. "ჩიორა" იმიტომ­ გახდა პოპულარული, რომ მოერგო­ ჩემს ხასიათს. „ჩიორა“ მე მგავს, სულაც არ მითამაშია.“[1]

თენგიზ გიორგაძე წლების შემდეგ იხსენებდა: „ხასიათით ჩიორას მეტად ვგავდი, თუმცა ჩემს გარეგნობაში პროვინციაში გაზრდილი ბიჭის იერს ვერ ხედავდნენ. ნიკა ჩემთვის დადებითი გმირია. ადამიანები არ უნდა იჭრებოდნენ ცოლ-ქმრის ცხოვ­რებაში. ნიკა ყველას ენდობა,­ ვერ დაუშვებდა, რატომ უნდა შეეხედა მეგობარს მისი მეუღლისთვის... ჩიორაა უარყოფითი გმირი და არა ნიკა - მე ასე ვკითხულობ ამ ფილმს“. [2]

„ჩიორა“ იყო ერთ-ერთი უკანასკნელი ფილმი, გადაღებული აფხაზეთში, 1992-1993 წლების მოვლენებამდე.[2]

მუსიკა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]