ლიანა მიქაშავიძე

ლიანა მიქაშავიძე
დაბადების თარიღი	28 სექტემბერი, 1939 (1939-09-28) თბილისი
საქმიანობა	მსახიობი
მშობლები	მამა: ნიკოლოზ მიქაშავიძე

ლიანა მიქაშავიძე (დ. 28 სექტემბერი, 1939, თბილისი) — ქართველი თეატრის მსახიობი. საქართველოს დამსახურებული არტისტი, აფხაზეთის დამსახურებული არტისტი. კონსტანტინე გამსახურდიას სახელობის სოხუმის სახელმწიფო დრამატული თეატრის მსახიობი.

ბიოგრაფია

დაიბადა 1939 წლის 28 სექტემბერს ქალაქ თბილისში. დაამთავრა სოხუმის პედაგოგიური ინსტიტუტი. წლების განმავლობაში იყო აფხაზეთის ქალთა საბჭოს წევრი თბილისში და ქალაქის საბჭოს დეპუტატი სოხუმში. აფხაზეთის ომის პირველი დღიდან იყო დაჭრილ მეომართა დახმარებისა და ხსნის კომიტეტის წევრი. დაჯილდოებულია ღირსების მედლით, ქართულ კულტურაში შეტანილი წვლილისათვის მინიჭებული აქვს „მოამაგე“-ს წოდება.

შესრულებული აქვს როლები: ლელა („მთაში ნათქვამი“), მზევინარი („მოკვეთილი“), ფლორელა („ცეკვის მასწავლებელი“), ჯები ედოლბორტი („მარიამ ტიუდორი“), დედოფალი („სამი მუშკეტერი“), ეკა შერვაშიძე („ჰაკი აძბა“), დარეჯანი („მარიამ დედოფალი“), ნუციკო („სანამ ურემი გადაბრუნდება“), ანიკო („მარადისობის კანონი“), პეპენელა („მილიონრები“) და სხვა.

რესურსები ინტერნეტში

• ლიანა მიქაშავიძე დაარქივებული 2023-11-03 საიტზე Wayback Machine.