ჩარლზ დეილის სახელობის მედალი

ჩარლზ დეილის სახელობის მედალი
ქვეყანა	აშშ
პირველად გადაეცა	1902
ბოლოს გადაეცა	1999

ჩარლზ დეილის სახელობის მედალი (ინგლ. Charles P. Daly Medal) — ამერიკის გეოგრაფიული საზოგადოების ჯილდო, რომელიც ენიჭებათ გეოგრაფიულ მეცნიერებაში შეტანილი მნიშვნელოვანი დამსახურებისათვის ან სამეცნიერო შრომისთვის. დაწესდა 1902 წელს. თავდაპირველად მედალი შეიმუშავა ვიქტორ დევიდ ბრენერმა, თუმცა 1924 წელს მედალი ხელახლა გადამუშავდა ბრენდა პატმანის მიერ.

ჩარლზ პატრიკ დეილი 1864-1899 წწ. იყო ამერიკის გეოგრაფიული საზოგადოების პრეზიდენტი. 1902 წელს ჩარლზ დეილის ფულადი სახსრების ხარჯზე შეიქმნა მედალი, რომელსაც მისი სახელი ეწოდა.

სხვადასხვა დროს ჩარლზ დეილის მედლით დაჯილდოვდნენ: რობერტ პირი, ჯორჯ დევიდსონი, გროვ კარლ ჯილბერტი, რუალ ამუნდსენი, ალბრეხტ პენკი, უილიამ სკინერ კუპერი და სხვ.

იხილეთ აგრეთვე

• ამერიკის გეოგრაფიული საზოგადოება

რესურსები ინტერნეტში

• ოფიციალური საიტიდაარქივებული 2012-02-15 საიტზე Wayback Machine. (ინგლისური)
• American Geographical Society Honorary Fellowships დაარქივებული 2009-03-26 საიტზე Wayback Machine. (ინგლისური)