შინაარსზე გადასვლა

შორვალა

მასალა ვიკიპედიიდან — თავისუფალი ენციკლოპედია
შორვალა

სამკურნალო შორვალა (Vincetoxicum hirundinaria)
მეცნიერული კლასიფიკაცია
სამეფო:  მცენარეები
განყოფილება:  ყვავილოვანი მცენარეები
კლასი:  ორლებნიანნი
რიგი:  ნაღველასნაირნი
ოჯახი:  ქენდირისებრნი
გვარი:  შორვალა
ლათინური სახელი
Vincetoxicum Wolf, 1776

შორვალა (ლათ. Vincetoxicum) — მცენარეთა გვარი ქენდირისებთა ოჯახისა. ზოგჯერ მისი სახეობები შეჰყავთ Cynanchum-ისა და Asclepias-ის გვარებში. მრავალწლოვანი ბალახები ან დაბალი ნახევრად ბუჩქებია, ზოგჯერ ხვიარა ყლორტებითა და მოპირისპირედ განლაგებული ფოთლებით. ყვავილები მცირე ზომისაა, 5-ნაკვთიანი, მომწვანო-თეთრიდან მუქ წითლამდე; შეკრებილია იღლიურ ქოლგისებურ ცოტაყვავილიან ყვავილედებში. ნაყოფი 2 ფურცლისაგან შედგება; თესლს გრძელი ბეწვებისაგან წარმოქმნილი „ქოჩორი“ აქვს. ცნობილია 30-მდე სახეობა, გავრცელებული არიან ევრაზიის ზომიერ ოლქებში. იზრდებიან სტეპის და ქვიან ფერდობებზე, ტყეებში ბუჩქებს შორის, ტყის პირებში. ფართოდაა გავრცელებული ჩვეულებრივი ანუ სამკურნალო შორვალა (V. hirundinaria), რომელიც შხამიანი მცენარეა (განსაკუთრებით ცხვრისთვის).[1] მთელ საქართველოში გვხვდება ხვიარა შორვალა (V. scandens).

სქოლიო[რედაქტირება | წყაროს რედაქტირება]

  1. Бялт В. В. Ластовень // Большая российская энциклопедия. т. 16. — М., 2010. — стр. 740.