შერიფი (საფეხბურთო კლუბი)

ტირასპოლის შერიფი

სრული სახელი	საფეხბურთო კლუბი შერიფი
მოკლე სახელი	შერიფი
დაარსდა	4 აპრილი, 1997
სტადიონი	შერიფი, ტირასპოლი, მოლდოვა (ტევადობა: 12,746 მაყურებელი)
პრეზიდენტი	ვიქტორ გუშანი
მწვრთნელი	რობერტო ბორდინი
კაპიტანი	მატეო სუსიჩი
ლიგა	ნაციონალური ჩემპიონატი
2022/23	ჩემპიონი
საიტი	ოფიციალური საიტი
ძირითადი ფორმა რეზერვის ფორმა

საფეხბურთო კლუბი „შერიფი“ ტირასპოლი, ან უბრალოდ „შერიფი“ (მოლდ. Fotbal Club Sheriff Tiraspol) — მოლდოვური საფეხბურთო კლუბი ქალაქ ტირასპოლიდან. ასპარეზობს მოლდოვის ნაციონალური ჩემპიონატში. საშინაო მატჩებს ატარებს სტადიონ შერიფზე, რომელიც 12 746 მაყურებელს იტევს.

„შერიფმა“ 2001 წლიდან მოყოლებული მოლდოვის ეროვნული ჩემპიონატის მოგება 15 შემთხვევიდან 13-ჯერ შეძლო. იგი არის პირველი მოლდოვური კლუბი, რომელიც ევროტურნირის ჯგუფურ ეტაპზე გავიდა.

ისტორია

კლუბი დაფუძნდა 1997 წელს, ყოფილი პოლიციელის და კომპანია „შერიფის“ თანამშრომლის, ვიქტორ გუშანის მიერ. „შერიფი“ ჩაერთო მოლდოვის რანგით მეორე ჩემპიონატში და პირველსავე წელს შეძლო პირველ ადგილზე გასვლა და უმაღლეს ლიგაში აღზევება. 1999 წელს კლუბმა მოლდოვის თასის მოგება მოახერხა, ორი წლის შემდეგ კი უკვე ქვეყნის ჩემპიონობას დაესაკუთრნენ და ჩემპიონის სტატუსი 10 წლის მანძილზე არ გაუშვიათ ხელიდან. 2000-2001 სეზონშივე „შერიფი“ მოლდოვის თასის გამარჯვებული გახდა. 2010-2011 წლების სეზონში „შერიფის“ შეჩერება კიშინიოვის „დაჩიამ“ შეძლო. მეორე შემთხვევა, როდესაც „შერიფმა“ გათამაშების მოგება ვერ მოახერხა, იყო 2014-2015 წლების სეზონი, როდესაც ნაციონალური ჩემპიონატის გამარჯვებული ორჰეის „მილსამი“ გახდა.

ასევე აღსანიშნავია ის ფაქტი, რომ ტირასპოლის „შერიფი“ გახდა პირველი მოლდოვური კლუბი, რომელმაც შემადგენლობაში ბრაზილიელი და აფრიკელი ლეგიონერები დაიმატა.

ევროტურნირებზე

კლუბმა არსებობის მანძილზე სამჯერ შეძლო ევროპის ლიგის ჯგუფურ ეტაპზე გასვლა. პირველად მოლდოვური კლუბი 2009-2010 წლების სეზონში ჯგუფში საკმაოდ რთულ მეტოქეებთან, ბუქარესტის „სტიაუას“, „ტვენტესა“ და „ფენერბაჰჩესთან“ მოხვდა. კლუბმა 5 ქულით მე-3 ადგილი დაიკავა და ასპარეზობას გამოეთიშა. მომდევნო წელს „შერიფი“ კვლავ გავიდა ჯგუფურ ეტაპზე და ამჯერადაც ძლიერი მეტოქეები შეხვდა - კიევის „დინამო“, ბორისოვის „ბატე“ და „AZ ალკმარი“. „შერიფმა“ 5 ქულით ბოლო ადგილი დაიკავა. მესამედ და ბოლოჯერ გუნდი ევროპის ლიგის ჯგუფში მოხვდა 2013-2014 წლების გათამაშებაში. მისი მეტოქეები იყვნენ „ტრომსე“, „ანჟი“ და „ტოტენჰემი“. მოლდოვური კლუბი კვლავ მეთექვსმეტედ-ფინალის გარეშე დარჩა, 6 ქულით დაიკავა მე-3 ადგილი.

სტადიონი

კლუბი საშინაო მატჩებს მართავს სტადიონ შერიფზე, რომელიც აშენებული იქნა 2002 წელს. მისი ტევადობა არის 12 746 მაყურებელი. ამავე სტადიონზე მოლდოვის ეროვნულ ნაკრებს რამდენიმე შეხვედრა აქვს ჩატარებული.

შემადგენლობა

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.

№ პოზიცია ქვეყანა მოთამაშე 1 მეკარე ბულგარეთი ბოჟიდარ მიტრევი 25 მეკარე მოლდოვა სერჯიუ ჟურიჩი 28 მეკარე მოლდოვა ალექსეი კოშალევი 3 მცველი ალბანეთი ფიდან ალიტი 4 მცველი მოლდოვა კონსტანტინ ბოგდანი 6 მცველი ავსტრალია ენტონი გოლეცი 14 მცველი ბურკინა-ფასო ბენჟამინ ბალიმა 15 მცველი ირლანდია მარსელ მეტუა 17 მცველი მოლდოვა არტიომ როზგონიუკი 18 მცველი მოლდოვა ანდრეი ნოვიკოვი 19 მცველი მოლდოვა სერგეი სვინარენკო 21 მცველი მოლდოვა მაქსიმ პოტირნიკე 22 მცველი ბოსნია და ჰერცეგოვინა ამერ დუპოვაცი 33 მცველი მოლდოვა ვალერი მაკრიცკი 55 მცველი ბოსნია და ჰერცეგოვინა მატეო სუსიჩი () 90 მცველი სერბეთი ვუიადინ სავიჩი 91 მცველი მოლდოვა იგორ ბონდარენკო

№ პოზიცია ქვეყანა მოთამაშე 7 ნახევარმცველი ბრაზილია ჟოალისონი 8 ნახევარმცველი მოლდოვა რადუ გინსარი 9 ნახევარმცველი ბრაზილია ბრუნო პელისარი 13 ნახევარმცველი სიერა-ლეონე ხალიფა ჯაბი 24 ნახევარმცველი განა სეიდუ იაჰაია 34 ნახევარმცველი მოლდოვა ივან ურვანცევი 35 ნახევარმცველი მოლდოვა არტურ პეტრაში 77 თავდამსხმელი ბოსნია და ჰერცეგოვინა გორან გალეშიჩი 11 თავდამსხმელი ხორვატია იოსიფ ივანჩიჩი 16 თავდამსხმელი მოლდოვა ვადიმ პაირელი 29 თავდამსხმელი მოლდოვა ეუჯენიო რებენჟა 31 თავდამსხმელი შვეიცარია დანიელ სუბოტიჩი 93 თავდამსხმელი მოლდოვა მაქსიმ იორკუ

ტიტულები

• მოლდოვის ჩემპიონი (21): 2000–2001, 2001–2002, 2002–2003, 2003–2004, 2004–2005, 2005–2006, 2006–2007, 2007–2008, 2008–2009, 2009–2010, 2011–2012, 2012–2013, 2013–2014, 2015-2016, 2017, 2018, 2019, 2020/21, 2021/22, 2022/23
• მოლდოვის „A“ დივიზიონი ჩემპიონი (1): 1997-1998
• მოლდოვის თასის მფლობელი (9): 1998-1999, 2000-2001, 2001-2002, 2005-2006, 2007-2008, 2008-2009, 2009-2010, 2014-2015, 2017
• მოლდოვის სუპერთასის მფლობელი (6): 2003, 2004, 2005, 2007, 2013, 2015

რეკორდები

• ყველაზე მეტი შეხვედრა (443): ვაჟა თარხნიშვილი

ყველაზე მეტი შეხვედრა ევროტურნირებზე (54): ვაჟა თარხნიშვილი

• ყველაზე მეტი გოლი (71): ალექსეი კუჩუკი

ყველაზე მეტი გოლი ევროტურნირებზე (5): ისმაილ ისა

• ყველაზე დიდი გამარჯვება (19 ოქტომბერი, 2005, მოლდოვის თასი): „შერიფი“ 16-0 „ვიტორული“
• ყველაზე დიდი მარცხი (25 ივლისი, 2001, ჩემპიონთა ლიგა): „ანდერლეხტი“ 4-0 „შერიფი“
• ყველაზე დიდი გამარჯვება ევროტურნირებზე (23 ივლისი 2013): „შერიფი“ 5-0 „სუტიესკა“

მწვრთნელები

მწვრთნელი	მოღვაწეობა
აჰმედ ალესკეროვი	1997 - 1998
სერგეი ბოროვსკი	1998 - 1999
ივან დანილიანცი	1999 - 2000
ვლადიმირ ზემლიანოი	2000 - 2001
ვალერი ვასილევი	2001 - 2001
ალექსანდრ გოლოკოლოსოვი	2001 - 2002
მიჰაი სტოიკიცე	2002 - 2002
გავრილ ბალინტი	2002 - 2003
იგორ ნაკონეჩნი	2003 - 2004
ლეონიდ კუჩუკი	2004 - 2010
ანდრეი სოსნიცკი	2010 - 2011
ვიტალი რაშკევიჩი	2011 - 2012
მილან მილანოვიჩი	2012 - 2012
ვიტალი რაშკევიჩი (მ.შ.)	2012 - 2012
მიჰაი სტოიკიცე	2012 - 2013
ვიტალი რაშკევიჩი	2013 - 2013
ვიაჩესლავ რუსნაკი	2013 - 2014
ზორან ზეკიჩი	2014 - 2015
ლილიან პოპესკუ	2015 - 2015
ზორან ვულიჩი	2015 -

რესურსები ინტერნეტში

• ოფიციალური საიტი
• კლუბის პროფილი Soccerway-ზე
• კლუბის პროფილი Transfermarket-ზე