მასალა ვიკიპედიიდან — თავისუფალი ენციკლოპედია
ურცი (ლათ. Ziziphora) — მცენარეთა გვარი ტუჩოსანთა ოჯახისა. მრავალწლოვანი ან ერთწლოვანი ბალახებია. მათი წვრილი ყვავილები შეკრებილია თავაკისებრ ან თავთავისებრ ყვავილედებად.
30-მდე სახეობა გავრცელებულია ხმელთაშუაზღვისპირეთიდან ცენტრალურ აზიამდე. საქართველოში გვხვდება 7 სახეობა, მათგან 3 საქართველოს ენდემია: Ziziphora woronowii იზრდება აფხაზეთში, ალპურ სარტყელში, კირქვიანებზე; Ziziphora subnivalis — სამხრეთ ოსეთში, ალპური სარტყლის ქვიან ჩამონაზვავებზე; Ziziphora stenophylla — ქიზიყში (შირაქი), მთის ქვედა სარტყელში მშრალ ფერდობებზე. ამ გვარის თითქმის ყველა სახეობა ეთერზეთოვანი მცენარეა.