ულრიხ ბოროვკა

ულრიხ ბოროვკა

პირადი მონაცემები
დაბადების თარიღი	19 მაისი, 1962 (1962-05-19)
დაბადების ადგილი	მენდენი, დასავლეთი გერმანია
სიმაღლე	177 სმ
სათამაშო პოზიცია	მცველი
ახალგაზრდული კარიერა
1967–1970	ჰემერი 08
1970–1975	ეზე 49
1975–1979	კალთჰოფი
1979–1980	ვანე-აიკელი
პროფესიონალური კარიერა*
წლები	გუნდი	მატჩი	(გოლი)
1981–1987	მენხენგლადბახი	149	(11)
1988–1995	ვერდერი	239	(8)
1996	ტასმანია ბერლინი	1	(0)
1997	ვიძევი ლოძი	8	(0)
სულ		397	(19)
ეროვნული ნაკრები
1982–1987	გფრ 21-წლ.	3	(0)
1987–1988	გფრ (ოლიმპიური)	6	(0)
1988	დასავლეთ გერმანია	6	(0)
სამწვრთნელო კარიერა
1997–1998	ობერნოილანდი
2000–2001	ბერლინელი აკ 07
2001–2002	თურქიემსპორი ბერლინი
2003–2004	ბერლინელი აკ 07
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ულრიხ ბოროვკა (გერმ. Ulrich Borowka; დ. 19 მაისი, 1962) — გერმანელი ფეხბურთელი და ფეხბურთის მწვრთნელი. თამაშობდა მცველის პოზიციაზე. 1988 წლის ევროპის ჩემპიონატის მონაწილე დასავლეთ გერმანიის ეროვნული ნაკრების შემადგენლობაში.

საკლუბო კარიერა

ბუნდესლიგაში მენხენგლადბახის „ბორუსიასა“ და ბრემენის „ვერდერის“ შემადგენლობაში ჩატარებულ 388 შეხვედრაში ბოროვკამ 19 გოლი გაიტანა.

1988 და 1993 წლებში „ვერდერის“ შემადგენლობაში გერმანიის ჩემპიონის წოდება, ორჯერ გერმანიის თასი და სამჯერ გერმანიის სუპერთასი მოიპოვა, ხოლო 1992 წელს — ევროპის თასების მფლობელთა თასს დაეუფლა, როდესაც „ვერდერმა“ ლისაბონის „ეშტადიუ და ლუშზე“ გამართულ ფინალში „მონაკო“ 2–0 დაამარცხა.

1997 წელს ბოროვკა პოლონურ „ვიძევში“ გადავიდა, სადაც მხოლოდ რვა მატჩში მიიღო მონაწილეობა.

სანაკრებო კარიერა

1982–1987 წლებში იცავდა დასავლეთ გერმანიის 21-წლამდე ფეხბურთელთა ნაკრებისა და დასავლეთ გერმანიის ოლიმპიური ნაკრების ღირსებას, რომელთა შემადგენლობაშიც, შესაბამისად, სამი და ექვსი შეხვედრა ითამაშა.

რაც შეეხება დასავლეთ გერმანიის ეროვნულ ნაკრებს, მისი დებიუტი ეროვნულ გუნდში 1988 წლის 2 აპრილს, ოთხი ერის ტურნირის ფარგლებში არგენტინის ეროვნული ნაკრების წინააღმდეგ გამართულ მატჩში შედგა. ბოროვკამ შეხვედრა ძირითად შემადგენლობაში დაიწყო და შეუცვლელად ითამაშა.

საერთო ჯამში თავისი ქვეყნის ეროვნულ ნაკრებში ბოროვკამ ექვსჯერ ითამაშა.

მიღწევები

საკლუბო

ბორუსია მენხენგლადბახი

• გერმანიის თასის ფინალისტი: 1983–84

ვერდერი

• ბუნდესლიგა: 1987–88, 1992–93
• გერმანიის თასის მფლობელი: 1990–91, 1993–94
• გერმანიის თასის ფინალისტი: 1988–89, 1989–90
• გერმანიის სუპერთასი: 1988, 1993, 1994
• ევროპის თასების მფლობელთა თასი: 1991–92

ვიძევი ლოძი

• ექსტრაკლასა: 1996–97

ინდივიდუალური

• Kicker-ის ბუნდესლიგის სეზონის გუნდის წევრი: 1987–88

ფაქტები

ულრიხ ბოროვკამ მონაწილეობა მიიღო უეფა-ს თასზე თბილისის „დინამოსთან“ გამართულ ორივე მერვედფინალურ შეხვედრაში — 1987 წლის 25 ნოემბერს ბრემენში, რომელიც ვერდერმა 2–1 მოიგო და 9 დეკემბერს თბილისში, რომელიც ფრედ 1–1 დასრულდა.

რესურსები ინტერნეტში

• ოფიციალური საიტი
• ეროვნული ნაკრების მონაცემები