სურამის ციხე (ფილმი)

„სურამის ციხე“
დამდგმელი რეჟისორი	ივანე პერესტიანი
სცენარის ავტორი	ივანე პერესტიანი
ოპერატორი	ბორის ზაველევი
მხატვარი	ევგენი ლანსერე ვალერიან სიდამონ-ერისთავი კ. ტირი ვ. აკიშნი
სტუდია	საქართველოს განსახკომის კინოსექცია
გამოსვლის თარიღი	16 ნოემბერი, 1923
ხანგრძლივობა	65 წთ.
ქვეყანა	სსრკ  საქ. სსრ
ენა	ქართული

სურამის ციხე, 1922 წლის ქართული საბჭოთა ფილმი, პირველი ჩვენება საკავშირო ეკრანებზე შედგა 1923 წლის 16 ნოემბერს. რეჟისორი – ივანე პერესტიანი.

გადაღებულია დანიელ ჭონქაძის ამავე სახელწოდების მოთხრობის მიხედვით.

სიუჟეტი

ყურადღება!  ქვემოთ მოყვანილია სიუჟეტის და/ან დასასრულის დეტალები.

ყმა დურმიშხანი, რომელსაც მხევალი ვარდუა უყვარს, ყმობისაგან თავის დასახსნელი და ვარდუაზე დასაქორწინებელი ფულის საშოვნელად ვაჭრობით გამდიდრებულ ოსმან–აღას დაუდგება ნოქრად. საქმეში გაუმართლებს, მდიდარ ქალსაც შეირთავს და მისი ლოდინით განაწამებ ვარდუას დაივიწყებს. წლების შემდეგ, ცნობილ მკითხავად ქცეული ვარდუა მოღალატე შეყვარებულზე შურს იძიებს. მისი რჩევით სურამის ციხის კედლის გასამაგრებლად მშენებლები მასში დურმიშხანის ერთადერთ ვაჟს, ზურაბს ცოცხლად ჩაატანენ. გამწარებული დურმიშხანი მკითხავში ვარდუას იცნობს. ქალი დურმიშხანს ხანჯლით განგმირავს და თვითონაც თავს მოიკლავს.

როლებში

• ამო ბეკ-ნაზაროვი (დურმიშხანი)
• მიხეილ ჭიაურელი (ოსმან აღა)
• თამარ საყვარელიძე (ვარდუა)
• ტატიანა მაქსიმოვა (გაიანე - დურმიშხანის ცოლი)
• ლ. გალუსტიანი (ზურაბი – დურმიშხანის შვილი)

რესურსები ინტერნეტში

• სურამის ციხე — კინოფილმების ინტერნეტ მონაცემთა ბაზა (ინგლისური)
• „სურამის ციხე (ფილმი)“ [დაარქივებული] — ეროვნული ფილმოგრაფია