საული

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
საული

საული (ებრ. שָׁאוּל, შაული; ბერძნ. Σαούλ; ისლამში ტალუთი არაბ. طالوت‎‎) — გაერთიანებული ისრაელის სამეფოს პირველი მეფე, ზეობდა დაახლ. ძვ. წ. 1050—1030.[1] საულის გამეფების დროს ებრაელები ფილისტიმელების გავლენის ქვეშ იყვნენ. მათ დაკავებული ჰქონდათ ებრაელთა რიგი ქალაქები, მათ შორის საულის მშობლიური ქალაქი - გიბეა.[2] საული წარმოშობით იყო ბენიამინის ტომიდან და გამეფებისთანავე დიდი პოპულარობა მოიპოვა. ქალაქ იაშბეს ალყის დროს მან დაამარცხა ამონელები და ებრაელებმა ის მეფედ გამოაცხადეს. მეფე საულმა გამეფებისთანავე 3000-იანი მუდმივი ჯარი შექმნა, რომელსაც ომის დროს სახალხო ლაშქარიც უერთდებოდა. მან და მისმა უფროსმა ვაჟმა - იონათანმა - ქვეყანა ფილისტიმელთაგან გაწმინდეს.[3] ჩრდილოელ ტომთა დასამარცხებლად ებრძოდა ამორეელ ტომებს, სამხრეთის ტომთა შემოსაერთებლად კი დაამარცხა ამალექიტების ტომები.[4] საული და მის ვაჟებთან ერთად გილბეას მთასთან ბრძოლაში დაიღუპა.ტახტზე მისი სიძე, დავითი (1030-990), ავიდა.

ლიტერატურა[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

  • Wellhausen, Julius, Der Text der Bücher Samuelis
  • Budde, Die Bücher Richter und Samuel, 1890, pp. 167–276
  • Driver, S. R., Notes on the Hebrew Text of the Books of Samuel, 1890
  • Cheyne, T. K., Aids to the Devout Study of Criticism, 1892, pp. 1–126
  • Smith, H. P., Old Testament History, 1903, ch. vii.

სქოლიო[რედაქტირება | წყაროს რედაქტირება]

  1. მელიქიშვილი, გ. ძველი აღმოსავლეთის ხალხთა ისტორია, ,,მეცნიერება", თბილისი, 1988, გვ.295
  2. მელიქიშვილი, გ. ძველი აღმოსავლეთის ხალხთა ისტორია, ,,მეცნიერება", თბილისი, 1988, გვ.296
  3. იქვე.
  4. იქვე.
მოძიებულია „https://ka.wikipedia.org/w/index.php?title=საული&oldid=3209760“-დან