რეტის ალპები

მასალა ვიკიპედიიდან — თავისუფალი ენციკლოპედია
Jump to navigation Jump to search
რეტის ალპები
პიკი ბერნინა
პიკი ბერნინა
კოორდინატები: 46°48′ ჩ. გ. 10°00′ ა. გ. / 46.800° ჩ. გ. 10.000° ა. გ. / 46.800; 10.000
ქვეყანა იტალიის დროშა იტალია
შვეიცარიის დროშა შვეიცარია
ლიხტენშტაინის დროშა ლიხტენშტაინი
ავსტრიის დროშა ავსტრია
უმაღლესი წერტილი ბერნინა
სიმაღლე 4049 
სიგრძე 140 კმ
რეტის ალპები — ალპები
რეტის ალპები

რეტის ალპები (იტალ. Alpi Retiche; გერმ. Rätische Alpen) — აღმოსავლეთი ალპების ნაწილი იტალიაში, შვეიცარიაში, ლიხტენშტაინსა და ავსტრიაში. შეჭრილია იტალიის ლომბარდიისა და ტრენტინო-ალტო-ადიჯეს რეგიონებში, შვეიცარიის ტიჩინოსა და გრაუბიუნდენის კანტონებში და ავსტრიის ფორარლბერგისა და ტიროლის ტერიტორიებზე. ვრცელდება შპლიუგენისა და რეზიის უღელტეხილებს შორის. სიგრძე 140 კმ. სიმაღლე 4049 მ-მდე (პიკი ბერნინა). გადაკვეთილია მრავალი ხეობით. რეტის ალპებიდან სათავეს იღებენ მდინარეები ადა და ინი. უმთავრესად აგებულია კირქვებით, მერგელებით, დოლომიტებითა და კრისტალური ქანებით. ჭარბობს ალპური ტიპის რელიეფი.

მოიცავს იზოლირებულ ორტლერის, ადამელოსა და ბერნინის მასივებს. ფლორა და ფაუნა მეტად მრავალფეროვანია. 800 მ სიმაღლემდე შემოსილია ფართოფოთლოვანი ტყით, 2250 მ-მდე შერეული და წიწვოვანი ტყით, 2700 მ-მდე სუბალპური და ალპური მდლოები ბუჩქნარია, უფრო მაღლა — მუდმივი თოვლი და მყინვარები. აღმოსავლეთ ნაწილში მდებარეობს შვეიცარიის ეროვნული პარკი. განვითარებულია ტურიზმი, ალპინიზმი.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]