რაფაელ ვან დერ ვაარტი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რაფაელ ვან დერ ვაარტი
Rafael van der Vaart
Rafael van der Vaart 2013 (1).jpg
პირადი მონაცემები
სრული სახელი რაფაელ ფერდინანდ ვან დერ ვაარტი
Rafael Ferdinand van der Vaart
დაბადების
თარიღი
11 თებერვალი, 1983 (1983-02-11) (31 წლის)
დაბადების
ადგილი
ჰემსკერკი, ნიდერლანდი
სიმაღლე 176 სმ
სათამაშო
პოზიცია
შემტევი ნახევარმცველი
საკლუბო ინფორმაცია
მიმდინარე
კლუბი
ჰამბურგი
ნომერი 23
ახალგაზრდული კარიერა
1987–1993 De Kennemers
1993–2000 აიაქსი
პროფესიონალური კარიერა
წლები გუნდი მატჩი (გოლი)
2000–2005 აიაქსი 117 (52)
2005–2008 ჰამბურგი 74 (29)
2008–2010 რეალ მადრიდი 58 (11)
2010–2012 ტოტენჰემ ჰოტსპური 63 (24)
2012– ჰამბურგი 27 (5)
ეროვნული ნაკრები
1998–1999 ნიდერლანდი U17 13 (5)
1999–2000 ნიდერლანდი U19 8 (2)
2000–2001 ნიდერლანდი U21 4 (2)
2001– ნიდერლანდი 105 (23)
† პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით და სწორია: 8 ივნისი, 2013.

‡ ეროვნულ მატჩებში მონაწილეობა და გოლები სწორია:
26 მარტი, 2013.

რაფაელ ვან დერ ვაარტი (დ. 11 თებერვალი, 1983) — ჰოლანდიელი ფეხბურთელი, ნიდერლანდის ეროვნული ნაკრების წევრი.

საკლუბო კარიერა[რედაქტირება]

რაფაელ ვან დერ ვაარტმა ახალგაზრდული საფეხბურთო კარიერა დაიწყო „დეკენემერსში“. 1993 წელს გადავიდა „აიაქსის“ ახალგაზრდულ აკადემიაში. მისი პროფესიონალური დებიუტი ამ კლუბში შედგა 2000 წელს 19 აპრილს. 2000-2001 წლების სეზონში მწვრთნელმა კო ადრიაანსემ ის შემტევი ნახევარმცველის პოზიციაზე გადაიყვანა. ვან დერ ვაარტი ძირითადი შემადგენლობის წევრი გახდა და იმ სეზონში 7 გოლი გაიტანა. 2002-03 წლების სეზონში მან 21 თამაშში 18 გოლის გატანა მოახერხა.

2005 წელს ის გადავიდა „ჰამბურგში“, სადაც პირველივე წელს გამოიჩინა თავი და გაიტანა 9 გოლი. ვან დერ ვაარტი შემდეგი სეზონისთვის კლუბის კაპიტნად დაინიშნა, თუმცა 2006-2007 წლის სეზონი საკმაოდ რთული აღმოჩნდა „ჰამბურგისთვის“. ვან დერ ვაარტის შეძენის სურვილი გამოთქვა „რეალმა“, მაგრამ ჰოლანდიელი კიდევ ერთი წლით დარჩა ჰამბურგში.

2008 წლის 4 აგვისტოს ვან დერ ვაარტი გადავიდა მადრიდში 13 მილიონი ევროს საფასურად. მადრიდში მან ორი სეზონი გაატარა. 2010 წლის 31 აგვისტოს სატრანსფერო ფანჯრის დახურვამდე 2 საათით ადრე ვან დერ ვაარტი 8 მილიონ ევროდ შეიძინა „ტოტენჰემმა“. ახალ კლუბში ვან დერ ვაარტი იყო ძირითადი შემადგენლობის ფეხბურთელი და საკვანძო ფიგურა „ტოტენჰემის“ მწვრთნელის ჰარი რედნაპის ტაქტიკაში. 2012 წელს კლუბში ახალი მწვრთნელი, ანდრე ვილაშ-ბოაში მივიდა, ვან დერ ვაარტმა დატოვა ინგლისი და თავის ყოფილ კლუბს - „ჰამბურგს“ - დაუბრუნდა.

სანაკრებო კარიერა[რედაქტირება]

ვან დერ ვაარტის დებიუტი ეროვნულ ნაკრებში შედგა 2001 წელს. მას შემდეგ ვან დერ ვაარტმა ხუთ დიდ საფეხბურთო ტურნირში მიიღო მონაწილეობა: სამჯერ ევროპის (2004, 2008 და 2012) და ორჯერ მსოფლიოს (2006 და 2010) ჩემპიონატებზე.

2004 და 2006 წლებში ის სათადარიგო მოთამაშე იყო. ნაკრების ძირითად შემადგენლობაში მან ადგილი 2008 წლის ევროპის ჩემპიონატზე დაიმკვიდრა, სასტარტო თრთმეტეულში ხვდებოდა ის 2010 და 2012 წლების ჩემპიონატებზეც.

ტიტულები[რედაქტირება]

პირადი და ოჯახური ცხოვრება[რედაქტირება]

2005 წლის 10 ოქტომბერს ვან დერ ვაარტი დაქორწინდა ჰოლანდიელ მსახიობზე სილვიე მეისზე. წყვილი „ახალ ბექჰემებად“ ომნათლეს. ერთი წლის შემდეგ მათ შეეძინათ ბიჭი დამიენი.

რესურსები ინტერნეტში[რედაქტირება]