მასალა ვიკიპედიიდან — თავისუფალი ენციკლოპედია
მთამაღალის მთიულა [1] (ლათ. Leucosticte ) — ფრინველთა გვარი ბეღურასნაირთა რიგისა . მათი სხეულის სიგრძეა დაახლ. 15 სმ . შეფერილი არიან რუხ და მურა, ზოგიერთი კი — ყავისფერ, მურა და ვარდისფერ ტონებში. ცნობილია 6 სახეობა.[2] გავრცელებული არიან ცენტრალური აზიის , შუა და აღმოსავლეთ ციმბირის მთებში, კურილის და კომანდორის კუნძულებზე , ჩრდილოეთ ამერიკის დასავლეთ ნაწილში. ბინადრობენ მთების ალპურ და სუბალპურ სარტყლებში ; ზოგიერთი სახეობა ზღვის დონიდან 5000 მეტრამდეც ბუდობს. მკვიდრი ფრინველებია, ზამთარში ვერტიკალურად მომთაბარეობენ. ბუდეს ჩვეულებრივ ქვების ქვეშ აკეთებენ ქვიშრობებში. წელიწადში ერთხელ ბუდობენ. იკვებებიან თესლებით , იშვიათად მწერებით .
↑ კუტუბიძე მ. , ფრინველების ნომენკლატურული ტერმინოლოგია , : „მეცნიერება“, 1973. — გვ. 15, 139, 209.
↑ Gill, Frank; Donsker, David (eds.). Finches, euphonias . World Bird List Version 5.4 . International Ornithologists' Union. ციტირების თარიღი: 4 დეკემბერი, 2015.
↑ ფრინველების ნომენკლატურული ტერმინოლოგია , გვ. 184.
↑ ფრინველების ნომენკლატურული ტერმინოლოგია , გვ. 188.
↑ ფრინველების ნომენკლატურული ტერმინოლოგია , გვ. 215.