მარჯორი მაინი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
მარჯორი მაინი
დაბადების სახელი მერი ტომლინსონი
დაბადების თარიღი 24 თებერვალი, 1890
ინდიანა, აშშ
გარდაცვალების თარიღი 10 აპრილი, 1975 (85 წლის)
ლოს-ანჯელესი, კალიფორნია, აშშ
ეროვნება ამერიკელი
მოქალაქეობა აშშ-ის დროშა აშშ
საქმიანობა მსახიობი, მომღერალი
აქტიური 1916-1959
მეუღლე(ები) სტენლი ლეფრივ კრებსი (იქ. 1921–35)

მერი ტომლინსონი (ინგლ. Marjorie Main; დ. 24 თებერვალი, 1890 — გ. 10 აპრილი, 1975) — ჰოლივუდის კლასიკური პერიოდის ამერიკელი მსახიობი და მომღერალი, რომელიც ცნობილი იყო 1940-იან და 1950-იან წლებში მეტრო-გოლდვინ-მაიერის გადაღებულ ფილმებში ნათამაშები როლებით. მაინმა სამსახიობო კარიერა დაიწყო თეატრში და გამოჩნდა ისეთ კლასიკურ ფილმებში, როგორიცაა ჩიხი (1937), ქალები (1939), ბნელი ბრძანება (1940), მთების მწყემსი (1941), შემხვდი სენტ ლუისში (1944) და მეგობრული რჩევა (1956).

ადრეული ცხოვრება[რედაქტირება | წყაროს რედაქტირება]

მერი ტომლინსონი დაიბადა 1890 წლის 24 თებერვალს, აქტიონის მახლობლად, ინდიანაში, მერიონის ოლქში . იგი იყო მეუფე სამუელ ჯ. ტომლინსონის, და ჯენი ლ. (მაკგაუი) ტომლინსონის მეორე ქალიშვილი. დედის დიდი ბაბუა, ექიმი სამუელ მაკგაუი იყო ექტონის ექიმი, რომელმაც იგი ამშობიარა.

სამი წლის ასაკში ტომლინსონი ოჯახთან ერთად გადავიდა ინდიანაპოლისში, ინდიანაში, სადაც მამა იყო ჰილსაიდის ქრისტიანული ეკლესიის პასტორი. ოთხი წლის შემდეგ ისინი გადავიდნენ გოშენში, შემდეგ კი ელხარტში, ინდიანა . 1900-იანი წლების დასაწყისში ტომლინსონების ოჯახი დასახლდა ფერმაში, ფეირლენდში, ინდიანაში. [1]

ფერლენდისა და შელბივილის საჯარო სკოლებში სწავლის შემდეგ, ტომლინსონმა ერთი წელი (19051906) გაატარა ფრანკლინის კოლეჯში , ინდიანაში, სადაც ის იყო დღევანდელი დელტა დელტას დელტას წევრი, შემდეგ ჰამილტონის დრმატული გამოხატვის სკოლაში, ლექსინგტონში, კენტუკში გადავიდა სასწავლებლად. მან სამწლიანი სასწავლო კურსი 1909 წელს, ცხრამეტი წლის ასაკში დაასრულა. სკოლის დამთავრების შემდეგ ტომლინსონმა დრამატიკის ინსტრუქტორის პოზიცია პარიზის ბურბონის კოლეჯში, კენტუკიში დაიკავა ,მაგრამ იქ მხოლოდ ერთი წელი დარჩა. მოგვიანებით, ტომლინსონმა განაცხადა, რომ იგი თანამდებობიდან ხელფასის გაზრდის მოთხოვნის შემდეგ გაათავისუფლეს. [2] [3]

მას შემდეგ, რაც ტომლინსონმა დატოვა კენტუკი, მან შემდეგი რამდენიმე წელი გაატარა დრამატული ხელოვნების სწავლაშო, ჩიკაგოსა და ნიუ-იორკში. რადგან მამამ მომავალ მსახიობს კარიერული არჩევანი არ მოუწონა, იმისთვის რომ ოჯახის სახელი არ შეერცხვინა, სასცენო სახელად მარჯორი მაინის ატარებდა[4] [5]

ქორწინება[რედაქტირება | წყაროს რედაქტირება]

1921 წლის 2 ნოემბერს მაინი დაქორწინდა ფსიქოლოგსა და ლექტორზე, სტენლი ლეფივრ კრებზე. [6] მაინის ქმარი ქვრივი იყო, მას გაზრდილი ჰყავდა ქალიშვილი, სახელად ანაბელი. მაინი ქმარს ხშირად თან ახლდა ლექციებზე. მათ საერთო შვილი არ ჰყოლიათ, მოგვიანებით საცხოვრებლად გადავიდნენ ნიუ-იორკში. [7] ქორწინების განმავლობაში, ნახევარ განაკვეთზე მუშაობდა ტურისტულ კომპანიებთან და ასევე ნიუ იორკის თეატრებში თამაშობდა. მან 1931 წელს ასევე დაიწყო ჰოლივუდური კინო კარიერა. მაინმა ეს პერიოდი „მისი ცხოვრების ყველაზე ბედნიერ წლებად“ მიიჩნია. [1] იგი დაუბრუნდა სრულ განაკვეთზე სამსახიობო კარიერას მას შემდეგ, რაც კრებსი სიმსივნით 1935 წლის 26 სექტემბერს გარდაიცვალა.

მათი ქორწინება არატრადიციული იყო. მისი თქმით, ქორწინება ბედნიერი იყო, მაგრამ არც თუ ისე ახლო. მაინმა განაცხადა, რომ იგი „გულგატეხილია“ ქმრის გარდაცვალების შემდეგ, [8] მაგრამ ასევე განმარტა, რომ მისი სიკვდილი „კარგი მეგობრის დაკარგვას ჰგავდა“, „როგორც ოჯახის ნაწილი“ [7] მაინის ბიოგრაფი, მიშელ ვოგელი ციტირებს შემდეგ ინტერვიუს, რომელშიც მსახიობმა თქვა: ”დოქტორი კრები არ იყო ძალიან პრაქტიკული ადამიანი. ჩვენს გზაზე ცალ-ცალკე ვიყავით, მაგრამ მაინც კანონის თვალში კაცი და ცოლი ვიყავით.” [9]

კარიერა[რედაქტირება | წყაროს რედაქტირება]

ადრეული წლები[რედაქტირება | წყაროს რედაქტირება]

მაინმა პროფესიული სამსახიობო კარიერა Chautauqua-თან ერთად გასტროლებში წასვლით დაიწყო. კომპანიასთან 5 თვიანი თანამშრომლობის შემდეგ, მან მუშაობა მსუბუქი ხასიათის კომედიურ პიესებში, ვოდევილში დაიწყო.

სცენის მსახიობი[რედაქტირება | წყაროს რედაქტირება]

1910-იანი წლების შუა პერიოდში მაინი გამოჩნდა რამდენიმე სპექტაკლში, მათ შორისაა: ''Cheating Cheaters'', სადაც მასთან ერთად მონაწილეობა მიიღო ჯონ ბერიმორმა. 1918 წელს შედგა მისი დებიუტი ბროდვეის თეატრში, და ითამაშა დადგმაში ''კი ან არა''. ამის შემდეგ, მაინი დაბრუნდა ვოდევილში, რომ პალასის თეატრში გამოსულიყო სპექტაკლში, The Family Ford. ყველა მისი ადრეული შესრულებული როლები წარმატებული არ იყო. სპექტაკლი სახლი გაიყო 1923 წელს, მხოლოდ ერთი წარმოდგენის შემდეგ, დაიხურა, მაგრამ მაინმა ბროდვეის თეატრში სამუშაოს ძებნა განაგრძო. 1927 წელს მან ითამაშა მეი ვესტის დედა დადგმაში, The Wicked Age, ხოლო 1928 წელს ითამაშა ფილმში Burlesque. მაინი ასევე გამოჩნდა ბროდვეის კიდევ რამდენიმე სპექტაკლში: ხსნა (1928), სკარლეტის და მერი 1930 წელს, ებ ტიდი (1931), მუსიკა ჰაერში (1932) და ჯექსონ უაიტი . [1] [7]

მაინის ერთ-ერთი ყველაზე ცნობილი სასცენო შესრულება იყო 1935 წელს, სპექტაკლში, ჩიხი, სადაც ითამაშა ქალბატონი მარტინის, განგსტერი Baby Face Martin-ის დედა. სანამ შოუ ''ქალები''-ში ლუსის როლის განსახიერებას დაიწყებდა, მას მთლიანობაში 460 სპექტაკლში ჰქონდა მონაწილეობა მიღებული. მაინმა ლუსის როლი შოუს კინოვერსიებისთვის კიდევ ორჯერ ითამაშა. [8] [10]

შემდგომი წლები[რედაქტირება | წყაროს რედაქტირება]

მსახიობობიდან გადადგომის შემდეგ, მაინი მშვიდი, განმარტოებული ცხოვრებით ცხოვრობდა ლოს-ანჯელესში. იგი დაინტერესდა სპირიტუალიზმით და მორალური შეიარაღების მოძრაობით. [11]

1974 წელს, გარდაცვალებამდე ერთი წლით ადრე, მაინი დაესწრო ლოს ანჯელესის MGM-ს დოკუმენტური ფილმის ეს არის გასართობი!-ს პრემიერას. ამ წელს 1958 წლიდან, საჯარო სივრცეში პირველად იხილეს.

მაინი ფილტვის კიბოთი გარდაიცვალა, 1975 წლის 10 აპრილს, 85 წლის ასაკში, ლოს-ანჯელესის სენტ ვინსენტის საავადმყოფოში, სადაც იგი 3 აპრილს მოათავსეს. [12] დაკრძალულია ჰოლივუდ ჰილსში, ტყის გაზონის მემორიალურ პარკში, მეუღლის, ექიმ სტენლი კრებსის გვერდით.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში არის გვერდი თემაზე:

სქოლიო[რედაქტირება | წყაროს რედაქტირება]

  1. 1.0 1.1 1.2 Henricks, p. 34.
  2. Hoosiers in Hollywood. 
  3. Price, p. 130.
  4. Smith, pp. 167–68.
  5. „Marjorie Main: From Farm Girl to Film Star“. INPerspective. Indianapolis: Indiana Historical Society. 24 (1): 8–9. January 2018.
  6. (1990) Indiana's Laughmakers: The Story of over 400 Hoosiers, Actors, Cartoonists, Writers, and Others. Indianapolis, Indiana: PennUltimate Press. Ray Banta (1990). Indiana's Laughmakers: The Story of over 400 Hoosiers, Actors, Cartoonists, Writers, and Others. Indianapolis, Indiana: PennUltimate Press. p. 111. ISBN 0929808002.
  7. 7.0 7.1 7.2 Smith, p. 168.
  8. 8.0 8.1 Henricks, p. 35.
  9. Michelle Vogel (2006). Marjorie Main: The Life and Films of Hollywood's "Ma Kettle". Jefferson, North Carolina: McFarland, გვ. 109–110. ISBN 978-0786464432. 
  10. Smith, pp. 169–70.
  11. Henricks, p. 38.
  12. „Marjorie Main Dies at 85“. Observer Reporter. April 11, 1975.