მალდივის რესპუბლიკის სამზარეულო

მასალა ვიკიპედიიდან — თავისუფალი ენციკლოპედია
Jump to navigation Jump to search

მიმოხილვა[რედაქტირება | წყაროს რედაქტირება]

მალდივური კერძი - კანდუ კულკულჰუ
მალდივური კერძი - კანდუ კულკულჰუ

მალდივის რესპუბლიკა (ადგილ. ދިވެހި) — სახელმწიფო სამხრეთ აზიაში, მალდივის კუნძულებზე (ინდოეთის ოკეანე). მალდივის არქიპელაგი მოიცავს 1190 მცირე კუნძულ-ატოლს, რომელთაგან მხოლოდ 220-ია დასახლებული. ინდოეთისგან სამხრეთ-დასავლეთით განლაგებული, კუნძულები გადაჭიმულია 764 კმ-ით ჩრდილოეთით სამხრეთამდე და 130 კმ-ით აღმოსავლეთიდან დასავლეთამდე. ფართობით 298 კმ²-ია.

მეურნეობაში დიდი მნიშვნელობა აქვს ქოქოსის პალმას, არის აგრეთვე პურის ხე, ბანანისა და ციტრუსების ნარგავები, ვარგისი ფართობი მეტად შეზღუდულია. დიდი მნიშვნელობა აქვს მეთევზეობას. მეცხოველეობა სუსტადაა განვითარებული, მცირე რაოდენობით ჰყავთ ცხვარი და თხა.

მალდივის რესპუბლიკის ეროვნული სამზარეულო, რომელსაც აგრეთვე დივეჰის სამზარეულოს უწოდებენ, არის მალდიველების, კუნძულ მინიკოისა და ინდოეთის სამზარეულო. განიცდის ინდური და არაბული ტრადიციების ზეგავლენას გამოირჩევა გემოსა და არომატების მრავალფეროვნებით. ეს შესანიშნავი სამზარეულო წარმოუდგენელია სამი ძირითადი ინგრედიენტის ქოქოსის, თევზის და ბრინჯის გარეშე.[1]

ქოქოსი[რედაქტირება | წყაროს რედაქტირება]

ქოქოსი
ქოქოსი


მწიფე ქოქოსის რბილობს იყენებენ ქოქოსის რძისა და ქოქოსის ზეთის დასამზადებლად. ქოქოსის რძე გამოიყენება დესერტებისა და ცხიმიანი სოუსების დასამზადებლად, ასევე სუპებსა და მთავარ კერძებში .ქოქოსის ზეთი გამოიყენება ვაფლის ნამცხვრების მოსართავად და მარგარინის წარმოებაში.[2]

თევზი[რედაქტირება | წყაროს რედაქტირება]

თინუსის კერძი
თინუსის კერძი


მალდივის კუნძულებზე თევზის კერძების მოსამზადებლად ყველაზე ხშირად თინუსს იყენებენ, ახალს ან ხმელს. მისგან ამზადებენ მალდივის ყველაზე საყვარელ კერძს - თინუსი ბრინჯით, სუნელით სხვადასხვა სოუსებით და წიწაკით. მსუბუქი საუზმეულის სახით პოპულარულია: თევზის ნაჭრები ჩილის სოუსში, ღვეზელები თევზით და სანელებლებით, ასევე შემწვარი თევზი ზეთში.

ბრინჯი[რედაქტირება | წყაროს რედაქტირება]

ბრინჯი მალდივის სამზარეულოს მნიშვნელოვანი ინგრედიენტია და  ადგილობრივი კერძების ძირითად საფუძველს წარმოადგენს. მას მიირთმევენ მოხარშულს, ხოლო ფქვილისაგან ამზადებენ როშის, ადგილობრივ პურს. მას მიირთმევენ თევზის კოქტეილთან ერთად, რომელიც შენელებულია ხახვით, ჩილითა და ლაიმით.

პოპულარული კერძია გარუდია-გამომშრალი, შებოლილი თევზისაგან დამზადებული წვნიანი, რომელსაც ბრინჯთან ერთად მიირთმევენ.[3]

კარი[რედაქტირება | წყაროს რედაქტირება]

მალდივის კუნძულებზე კარი მზადდება თინუსისგან სხვადასხვა სუნელების დამატებით. ასევე ფართოდ არის გავრცელებული ბოსტნეულის- ბადრიჯნის და გოგრის კარი. მას უმატებენ მწვანე ბანანს და ზოგიერთი მცენარის ფოთლებს.

დღესასწაულებზე პოპულარობით სარგებლობს ქათმის კარი - შეზავებული სხვადასხვა სანელებლებით.

დესერტი[რედაქტირება | წყაროს რედაქტირება]

მთავარი დესერტია ბონდი - ქოქოსის თეთრი ჩხირები და სხვადასხვა ხილის სალათები.[4]

სასმელები[რედაქტირება | წყაროს რედაქტირება]

მალდივის მკვიდრნი ძირითადად სვამენ მწვანე ჩაის, რომელსაც ბევრ რძესა და შაქარს უმატებენ. ასევე, მაცხოვრებლები წყურვილს წვენებით იკლავენ ან ადგილობრივი ტკბილი რძით- კირუ სარბატით. რაფინირებული ქოქოსის რძისგან ამზადებენ მსუბუქ ალკოჰოლურ სასმელს, რომელსაც გაა ეწოდება.

ლიტერატურა:[რედაქტირება | წყაროს რედაქტირება]

სქოლიო:[რედაქტირება | წყაროს რედაქტირება]

  1. Xavier Romero-Frias, The Maldive Islanders, A Study of the Popular Culture of an Ancient Ocean Kingdom, Barcelona 1999, ISBN 84-7254-801-5
  2. Use of Coconut in Maldivian cooking
  3. Maldives cuisine
  4. Traditional Maldivian Cuisine

გარე ბმულები:[რედაქტირება | წყაროს რედაქტირება]