კოდრი

კოდრი
კოორდინატები: 47°06′ ჩ. გ. 28°30′ ა. გ.
ქვეყანა	მოლდოვა
უმაღლესი წერტილი	ბალანეშტი
სიმაღლე	430 მ
სიგრძე	100 კმ

კოდრი — მაღლობი მოლდოვის ცენტრალურ ნაწილში, მდინარეების რეუტისა და პრუტის შუამდინარეთში. სიმაღლე 430 მ (მთა ბალანეშტი, მოლდოვის უმაღლესი წერტილი). გადაჭიმულია დაახლოებით 100 კმ-ზე. აგებულია მიოცენური ასაკის ზღვიური და კონტინენტური დანალექებით — თიხებით, მერგელებით, კირქვებით, ქვიშებით, ქვიშაქვებითა და მეოთხეული ლიასით. დამახასიათებელია ეროზიული რელიეფი, ზედაპირი ღრმად არის დანაწევრებული მდინარეებით, ღელეებითა და ხევებით. განვითარებულია მეწყერი, ადგილ-ადგილ — კარსტი. მაღლობი დაფარულია ტყით, სადაც ჭარბობს მუხა, წიფელი, რცხილა და სხვა. სულ 1000 მ-მდე სახეობის მცენარე გვხვდება. კოდრის მთისძირშია მდელო და ვენახი.

რესურსები ინტერნეტში

• კოდრი — სტატია დიდი საბჭოთა ენციკლოპედიიდან (რუსული)