კარიბა
| კარიბა | |
|---|---|
| ინგლ. Lake Kariba | |
 ტბის ხედი ორბიტიდან | |
| კოორდინატები: 16°55′ ს. გ. 28°00′ ა. გ. / 16.917° ს. გ. 28.000° ა. გ. | |
| ქვეყანა |
 ზამბია ზიმბაბვე |
| ტერიტორიული ერთეული |
სამხრეთის პროვინცია დასავლეთი მაშონალენდი, ჩრდილოეთი მატაბელელენდი |
| ზღვის დონიდან | 485 მ |
| სიგრძე | 280 კმ |
| სიგანე | 40 კმ |
| ფართობი | 5580 კმ² |
| მოცულობა | 180 კმ³ |
| უდიდესი სიღრმე | 78 მ |
| საშუალო სიღრმე | 31 მ |
| აუზის ფართობი | 663 000 კმ² |
| მდინარე | ზამბეზი |
| შევსების წელი | 1958-1963 |
| ჰესი | კარიბის ჰიდროელექტროსადგური |
  | |
კარიბა (ინგლ. Lake Kariba) — წყალსაცავი აფრიკაში, მდინარე ზამბეზიზე (ზამბია, ზიმბაბვე). აივსო 1958-1963 წწ. მდებარეობს ზღვის დონიდან 485 მ სიმაღლეზე. ფართობი — 5580 კმ², სიგრძე — 280 კმ, სიგანე — 40 კმ, მოცულობა — 180 კმ³. საშუალო სიღრმე — 31 მ, უდიდესი სიღრმე — 78 მ.
შექმნილია ძირითადად ენერგეტიკული და საირიგაციო მიზნებისათვის. გარდა ამისა, წყალსაცავი გამოიყენება სათევზაოდ. თევზების თავმოყრის ადგილებია მხოლოდ სანაპირო რაიონები. ბინადრობს რამდენიმე ათეული სახეობის თევზი.
კარიბა მსოფლიოს ერთ-ერთი უდიდესი ხელოვნური ტბაა. წყლის ტემპერატურა წლის განმავლობაში მერყეობს 17 °С-დან 32 °С-მდე. წყლის გამჭვირვალობა იცვლება 1-იდან 12 მ-მდე.
ნაპირები ძლიერ შეჭრილ-შემოჭრილია მრავალრიცხოვანი ყურეებით, უბეებითა და კუნძულებით. ტბას ხშირად დიდი რაოდენობით სტუმრობენ სპილოები. კარიბის წყალსაცავის სანაპიროებზე გაშენებულია სასტუმროები, ტურბაზები.
წყალსაცავიდან დაახლოებით 100 კმ-ში (მდინარე ზამბეზის აყოლებით) მდებარეობს მსოფლიოს ერთ-ერთი უდიდესი ჩანჩქერი ვიქტორია.