თებერდა (ქალაქი)

ქალაქის ხედი

თებერდა (ყარაჩ.-ბალყ. Теберди́) — ქალაქი (1971-მდე დაბა) რუსეთის ფედერაციის ყარაჩაი-ჩერქეზეთის რესპუბლიკაში. გაშენებულია კავკასიონის ჩრდილოეთ კალთაზე (ზღვის დონიდან 1280-1420 მ სიმაღლეზე), თებერდის ხეობაში, სოხუმის სამხედრო გზაზე, რკინიგზის სადგურ ჯეგუთიდან 90 კმ.

თებერდა მაღალმთიანი კლიმატური კურორტია. იცის ზომიერად თბილი ზაფხული (აგვისტოს საშ. ტემპერატურა 16°C) და რბილი ზამთარი (იანვრის საშ. ტემპერატურა -3°C). ნალექები 690 მმ წელიწადში. სამედიცინო ჩვენება: ფილტვის ტუბერკულოზი. არის სანატორიუმი. თებერდის რაიონში ალპინისტური ბანაკები და ტურბაზებია.

ლიტერატურა

• ქართული საბჭოთა ენციკლოპედია, ტ. 4, გვ. 630, თბ., 1979 წელი.