ზემო ოშორის ეკლესია

ზემო ოშორის ეკლესია — დარბაზული ეკლესია საქართველოში, ასპინძის მუნიციპალიტეტის სოფელ ოშორაში.

ნასოფლარ ზემო ოშორას ზემოთ, ოშორის წყლის მარცხენა მხარეს კლდის ძირში არის თბილი გოგირდიანი აბანო (41°37′57″ ჩ. გ. 43°16′00″ ა. გ.). აბანოს ზემოთ იმავე მხარეს კლდის ძირში მდებარეობს ნაეკლესიარი. 1930-იან წლებში გიორგი ბოჭორიძის მოგზაურობის დროს შემორჩენილი იყო ჩრდილოეთი კედელი 6 მ სიგრძით, სიმღლით 1.5 მ. სამხრეთის კედელი ნანგრევებში იყო მოყოლილი. დაზიანებული ეკლესიის ნანგრევებიდან გამომდინარე გ. ბოჭორიძე ვარაუდობდა, რომ ეკლესიის ზომები უნდა ყოფილიყო 6x2.5 მ-ზე. ეკლესიის ქვები ზოგი გატანილია, ხოლო ნაშთი ნანგრევებითაა სავსე და ტყემლის ხეებია ბუჩქებად ამოზრდილი.

ექვთიმე თაყაიშვილმა 1902 წლის არქეოლოგიური ექსპედიციის დროს მოინახულა და აღწერა ზემო ოშორის ეკლესიაც.

იხილეთ აგრეთვე

• ოშორის ეკლესია

ლიტერატურა

• ბოჭორიძე გ., „მოგზაურობა სამცხე-ჯავახეთში“, თბ., 1992, გვ. 31
• Материалы по археологии Кавказа, собранные экспедициями Московского археологического общества, Вып. 12. - 1909