ვლადისლავ ვოევოდსკი

ვლადისლავ ვოევოდსკი
დაბ. თარიღი	25 ივლისი, 1917(1917-07-25)
დაბ. ადგილი	სანქტ-პეტერბურგი
გარდ. თარიღი	20 თებერვალი, 1967(1967-02-20) (49 წლის)
გარდ. ადგილი	ნოვოსიბირსკი, რუსეთი
დასაფლავებულია	ნოვოდევიჩიეს სასაფლაო
მოქალაქეობა	სსრკ რუსეთის იმპერია
საქმიანობა	ქიმიკოსი
მუშაობის ადგილი	სემენოვის სახელობის ქიმიური ფიზიკის ინსტიტუტი
ალმა-მატერი	სანქტ-პეტერბურგის პოლიტექნიკური უნივერსიტეტი
განთქმული მოსწავლეები	იური მოლინი
სამეცნიერო ხარისხი	ქიმიის მეცნიერებათა დოქტორი
ჯილდოები	სსრკ-ის სახელმწიფო პრემია და Bourke Award
საიტი	prometeus.nsc.ru/science/schools/voevod/

ვლადისლავ ვლადისლავის ძე ვოევოდსკი (რუს. Владисла́в Владисла́вович Воево́дский; დ. 25 ივლისი, 1917, სანქტ-პეტერბურგი — გ. 20 თებერვალი, 1967, ნოვოსიბირსკი) — საბჭოთა ქიმიკოსი, სსრკ მეცნიერებათა აკადემიის აკადემიკოსი ქიმიური ფიზიკის ინსტიტუტში.

ბიოგრაფია

1946-1952 წლებში მუშაობდა მოსკოვის უნივერსიტეტის ქიმიური კინეტიკის კათედრაზე, ხოლო 1953-1961 წლებში მოსკოვის ფიზიკურ-ტექნიკურ ინსტიტუტში. 1961 წლიდან იყო ნოვოსიბირსკის უნივერსიტეტის ბუნებისმეტყველების ფაკულტეტის დეკანი. დაამუშავა წყალბადის დაჟანგვის თეორიის პრინციპული საკითხები. შექმნა ოლეფინური ნახშირწყალბადების კრეკინგის პირველი რაოდენობრივი თეორია. მნიშვნელოვნად განავითარა წარმოდგენები ჰეტეროგენულ-კატალიზური პროცესების ბუნებასა და მექანიზმზე. რადიოსპექტროსკოპიის მეშვეობით გამოიკვლია სხვადასხვა ქიმიურ პროცესში თავისუფალი რადიკალების აგებულების, თვისებებისა და რეაქციის საკითხები. იყო ჟურნალ „სტრუქტურნაია ხიმიის“ რედაქტორი და „კინეტიკა ი კატალიზის“ რედკოლეგიის წევრი.

ჯილდოები

• სახელმწიფო პრემია (1968, სიკვდილის შემდეგ)

ლიტერატურა

• ქართული საბჭოთა ენციკლოპედია, ტ. 4, თბ., 1979. — გვ. 440.