ვიტალი ჟოლობოვი

ვიტალი ჟოლობოვი
უკრ. Віталій Жолобов
დაბ. თარიღი	18 ივნისი, 1937 (86 წლის)
დაბ. ადგილი	სტარაია ზბურევკა, გოლოპრისტანის ოლქი, ოდესის ოლქი, უკრაინის სსრ,სსრკ
ქვეყანა	სსრკ  უკრაინა
სპეციალობა	ბორტინჟინერი
სამხედრო წოდება	ინჟინერ-პოლკოვნიკი გენერალ-ლეიტენანტი (უკრაინა
ექსპედიცია	სოიუზ-21
კოსმოსში გატარებული დრო	49 დღე-ღამე, 6 საათი, 23 წუთი
ჯილდოები	საბჭოთა კავშირის სპორტის დამსახურებული ოსტატი საიუბილეო მედალი ვლადიმერ ლენინის დაბადების 100 წლისთავის აღსანიშნავად
ვიტალი ჟოლობოვი ვიკისაწყობში

ვიტალი ჟოლობოვი (1937 წლის 18 ივნისი, სტარა ზბურივკა) — უკრაინელი კოსმონავტი და პოლიტიკოსი, პოლკოვნიკი - ინჟინერი რეზერვში, კვლევითი ხომალდის „ კოსმონავტი იური გაგარინის“ პრეზიდენტი, აკადემიკოსი, უკრაინის ტრანსპორტის აკადემიის აქტიური წევრი. ყველაზე ძველი კოსმონავტი უკრაინის მოქალაქეებს შორის.

ბიოგრაფია

ვიტალი ჟოლობოვი დაიბადა 1937 წლის 18 ივნისს ხერსონის ოლქის ჰოლოპრისტანის რაიონის სოფელ სტარა ზბურივკაში.

ბავშვობა გაატარა კასპიის ზღვის სანაპიროზე. 1959 წელს დაამთავრა აზერბაიჯანის ნავთობისა და ქიმიის ინსტიტუტის მექანიკის ფაკულტეტი ავტომატიკის, ტელემექანიკის და ელექტრო საზომი მოწყობილობების მიმართულებით. სპეციალობით ელექტროინჟინერია.შემდეგ მსახურობდა საავიაციო განყოფილებაში. 1974 წელს დაამთავრა ვ.ი. ლენინის სახელობის სამხედრო-პოლიტიკური აკადემია.

1963-1981 წლებში მუშაობდა იური გაგარინის სახელობის კოსმონავტების მომზადების ცენტრში.

1963 წელს ჩაირიცხა საბჭოთა კოსმონავტების რიგებში (1963 წ. საჰაერო ძალების ჯგუფი F2).

კოსმოსური ფრენები

1976 წლის 6 ივლისიდან 24 აგვისტომდე ვიტალი ჟოლობოვი ბორის ვოლინოვთან ერთად გაფრინდა კოსმოსში Soyuz-21 კოსმოსური ხომალდით Salyut-5-ის ორბიტალურ სადგურზე ბორტინჟინრის რანგში. ფრენა უნდა გაგრძელებულიყო 60 დღე-ღამე, მაგრამ მხოლოდ 49 დღე-ღამე გაგრძელდა. ფრენის შეწყვეტის მიზეზი გახდა უსიამოვნო სუნი, რომელიც კოსმონავტებმა იგრძნეს ბორტზე, რომელიც ტოქსიკური სარაკეტო საწვავის სუნს ჰგავდა. ვიტალი ჟოლობოვმა შეატყობინა ფრენის კონტროლის ცენტრს პრობლემის შესახებ, რის გამოც ხელმძღვანელობამ საჭიროდ ჩათვალა ფრენის შეწყვეტა, რათა ეკიპაჟს საფრთხე არ შექმნოდა. მით უმეტეს, რომ იმ დროს წარმატებით დასრულდა სამეცნიერო-ტექნიკური და სამედიცინო და ბიოლოგიური კვლევების სერიოზული პროგრამა. ჟოლობოვს შეექმნა ჯანმრთელობის პრობლემა ბორტზე ავარიის შედეგების აღმოფხვრის შემდეგ.

პოლიტიკური და საზოგადოებრივი საქმიანობა

1986 წელს ჟოლობოვი აქტიურად მონაწილეობდა ჩერნობილის ატომურ ელექტროსადგურზე მომხდარი ავარიის შედეგების ლიკვიდაციაში. შემთხვევის შემდეგ, იგი უშუალოდ მონაწილეობდა ქალაქ პრიპიატიდან ხალხისა და აღჭურვილობის ევაკუაციაში.

1987-1991 წლებში იყო რსფსრ ტიუმენის რეგიონის ქალაქ ნოიაბრსკში აეროკოსმოგენოლოგიური პარტიის ხელმძღვანელი. 1991-1992 წლებში — რუსეთის გეოლოგიის სამინისტროს მოწინავე კვლევების ინსტიტუტის ფილიალის განყოფილების გამგე. 1993 წლიდან — საბჭოთა კავშირის გმირების საბჭოს თავმჯდომარე კიევში. 1993 წელს აირჩიეს უკრაინის სატრანსპორტო აკადემიის ნამდვილ წევრად.

1993 წელს გახდა ინიციატორი და შემდეგ ხელმძრვანელი ფონდისა „ კოსმონავტი გაგარინი“, რომლის საქმიანობას შეადგენდა შეზღუდული შესაძლებლობის მქონე პირების, ღარიბების, ავღანელი ჯარისკაცების და ჩერნობილის ატომურ ელექტროსადგურზე ავარიის შედეგად დაზარალებულების სოციალური დახმარება.

1994 წელს იგი აირჩიეს ხერსონის რეგიონში ხერსონის რეგიონალური საბჭოს თავმჯდომარედ — ხერსონის რეგიონალური ადმინისტრაციის ხელმძღვანელად. ჟოლობოვი ხსენებულ თანამდებობას 1996 წლამდე იკავებდა. ამ დროს მისი მოადგილე დაქირავებულმა მკვლელმა მოკლა

1996 წლის 12 ივნისიდან 1997 წლის 4 თებერვლამდე ეკავა უკრაინის ეროვნული კოსმოსური სააგენტოს გენერალური დირექტორის მოადგილის თანამდებობა. 1999 წლიდან იყო კიევის ორგანიზაცია „სლავას“ გამგეობის თავმჯდომარე, ხოლო 2001 წლიდან — სრულიად უკრაინული ასოციაცია „სლავას “ პრეზიდენტი.

2002 წლის 11 აპრილიდან 2015 წლამდე იყო უკრაინის საჰაერო კოსმოსური საზოგადოების პრეზიდენტი.

ჯილდოები

ვიტალი ჟოლობოვი დაჯილდოებულია ლენინის ორდენით, ოქროს ვარსკვლავის მედლით, სსრკ მფრინავ-კოსმონავტის საპატიო წოდებით.

III ხარისხის ღირსების ორდენი „დამსახურებისთვის“ ( 2008 წლის 11 აპრილი ) — მნიშვნელოვანი პირადი წვლილისთვის უკრაინის სარაკეტო და კოსმოსური პოტენციალის გაძლიერებაში, მნიშვნელოვანი მიღწევებისთვის კოსმოსური სისტემებისა და ტექნოლოგიების შექმნასა და დანერგვაში, მაღალი პროფესიული ოსტატობისთვის.

ხერსონის, გოლა პრისტანის, კალუგას, პროკოპიევსკის ( რუსეთი ), ცილინოგრადის ( ყაზახეთი ) საპატიო მოქალაქე.

ლიტერატურა

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• И. А. Маринин, С. Х. Шамсутдинов, А. В. Глушко (составители). Советские и российские космонавты. 1960—2000 / Под редакцией Ю. М. Батурина. — М.: ООО Информационно-издательский дом «Новости космонавтики», 2001. — ISBN 5-93345-003-0.